AD_ Wide Top

माग्ने बुढाको प्रेरणाले कलाकार बनेका जिग्री लागे २९

४ साउन,२०७४  |   Gufgaf.com

below social share detail page adv


loading...
माग्ने बुढाको प्रेरणाले कलाकार बनेका जिग्री लागे २९

हाँस्यकलाकार कुमार कट्टेल उर्फ जिग्री आज २९ औँ जन्मदिन मनाउँदैछन् । २०४५ साल साउन ४ गते झापामा जन्मेका कुमार डाक्टर बन्ने सपना बोकेर काठमाण्डौ छिरेका थिए । तर काठमाण्डौको शहरले उनलाई अर्कै बाटो देखाईदियो जुन बाटोमा उनी अहिले छन् ।

कुमारका सहोदर दाई भाउजु (सीताराम कट्टेल र कुञ्जना घिमिरे) कलाकारितामा भए पनि उनी भने परिवारका कारण कलाकारितामा प्रवेश गरेका होईन्न । धेरैले उनलाई दाई भाउजुका कारण सहजै कलाकारितामा आयो भन्ने गरेका छन् । तर यो कुरा उनी स्वीकार्दैनन् । उनी यस क्षेत्रमा आफ्नै कारण आए र आफै संघर्ष गरे । अहिले “जिग्री”का रुपमा लोकप्रिय बनेका कुमारको कलाकारिता प्रवेश एउटा संयोग हो भन्दा फरक नपर्ला ।

आज हामी उनको जन्मदिन पारेर उनी कसरी कलाकारितामा आईपुगे ? जिग्री पात्र कसरी जन्मियो ? त्यस बारेमा एक सामाग्री प्रस्तुत गर्दैछौँ ।

कसरी जन्मियो जिग्री ?
कुमारले एसएलसीमा विशिष्ट श्रेणी ल्याएपछि बिज्ञान विषय अध्ययन गर्न थाले । बानेश्वरको कोलम्बस कलेजमा विज्ञान पढ्ने क्रममा उनी अचानक जन्डिसबाट पीडित भए । जण्डिसले उनलाई कलेजै जान नसक्ने बनायो । जण्डिस कुमारको खानदानी रोग हो । बीरामी भएका कारण घरमा बसेका जिग्रीले दाई सीताराम कट्टेल र अर्का हाँस्यकलाकार केदार घिमिरेबाट काम सिक्ने मौका पाए । त्यसबखत मेरी बास्सै टेलिश्रृङखला निकै लोकप्रिय थियो । डाक्टर बन्ने लक्ष्यका साथ बिज्ञान पढ्न थालेका जिग्रीले दाई सीताराम कट्टेल र केदार घिमिरे उर्फ माग्ने बुढाले मेरी बास्सैको कथा बनाएको हेर्ने मोका पाए । घरमा बस्दा कुमार पनि मेरी बास्सैको कथा तयार पार्दा दाई सीताराम र केदार घिमिरेसँग छलफलमा मिसिए । मेरी बास्सैको कथा तयार पार्दा जिग्रीले दिएको चासो, उनले त्यस कथाका लागि निकालेका आईडियाहरु देखेर केदार घिमिरे र सीतारामले उनलाई पनि काम दिन थाले । त्यसपछि कुमारले कथा देखि अवधारणसम्म तयार पार्न थाले ।

काम गर्ने क्रममा कुमार मेरी बास्सैको कथामा निस्केका नयाँ नयाँ पात्रहरुको नक्कल गरेर बोल्थे । उनको यो कुरा केदार घिमिरेले ध्यान दिएका थिए । यहि कारण केदारले कुमारलाई अभिनयमा आउन सुझाव दिए । केदार घिमिरेकै पे्ररणाले कुमार कट्टेल एक हाँस्यकलाकार बन्न पुगेका हुन् । यो कुरा कुमार पनि स्वीकार गर्छन् ।

Related image

दाई भाउजु र केदार घिमिरेसँग मेरी बास्सैको कथा लेखनको क्रममा एक दिन एउटा पात्रको उत्पती भयो जो बेरोजगार र अर्ध शहरिया हुलियाको, जतिबेला पनि उट्पट्याङ गरिरहने खालको थियो । सबैले त्यो चरित्रलाई पूर्ण बनाउनको लागि आ–आफ्ना आईडिहरु अघि सारे । कुमारले पनि त्यसको आवाज निकाले र आवाज अनुसारको भेष बनाए । सबैलाई यो चरित्र मन पर्यो र यसको नाम राखियो जिग्री । यसरी अहिलेको चर्चित पात्र जिग्रीको जन्म भएको थियो ।

मेरी बास्सै पछि भद्रगोल
धेरैको मेहनतले जन्मिएको जिग्रीले पहिले मेरी बास्सैमा काम गर्ने मौका पायो । मेरी बास्सैमा जिग्रीलाई दर्शकले खुबै रुचाए । देश देखि विदेशसम्म जिग्री हिट भयो । जिग्री हिट भएकै समयमा कुमार कट्टेल बेलायत गए । बेलायतमा पनि उनलाई धेरैले जिग्रीको रुपमा माया दिए । त्यो देखेर जिग्रीलाई जीवनकै ठूलो खुशी मिलेको महसुस हुन थाल्यो । झण्डै एक वर्षपछि उनी बेलायतबाट नेपाल फर्किए र कलाकारितालाई निरन्तरता दिने निर्णय लिए । नेपाल आएका कुमारलाई दाई सीतारामले आफैले केही गर्न सुझाव दिएपछि दाईको सुझाव अनुसार कुमारले आफ्नै अफिस खोले र नयाँ सिरियल बनाउन थाले । मजाक छ यार नामको सिरियल बनाईसकेपछि कुमारले टेलिकास्ट गर्नको लागि निकै पापड पेल्नु पर्यो । उनी नेपाल टेलिभिजनमा धाए । मिडिया हबको अफिस पुगे तर कसैले पनि उनको सिरियल मजाक छ यारलाई टेलिकास्ट गर्न मानेनन् । यहि क्रममा एक दिन कुमारको भेट अर्का कलाकार अर्जुन घिमिरे उर्फ पाँडेसँग भयो ।

jikri pade

कुमार र अर्जुनको भेट पत्रकार विदुर खतिवडाले गराईदिएका थिए । त्यसबखत अर्जुन नेपाल टेलिभिजन प्लसको सिस्नो पानी झ्याम्मैमा काम गर्थे । भेट पछि दुवैले एकअर्काको आवश्यकता ठानेर सहकार्य गर्ने निर्णय लिए । कुमारले पनि सिस्नो पानी झ्याम्मैका केही भागहरुमा काम गर्ने मौका पाए । तर कारणवस सिस्नो पानी झ्याम्मै बन्द हुन पुग्यो । यो सिरियल बन्द भएपछि बल्ल कुमार र अर्जुन मिलेर भद्रगोल जन्माएका थिए । शुरुमा केही भागहरु परिक्षण प्रसारणका रुपमा टेलिकास्ट हुने अवसर पाएको भद्रगोल दर्शकको मायाका कारण निरन्तर टेलिकास्ट हुन पुग्यो । भद्रगोल अहिले नेपालीहरुमाझ निकै लोकप्रिय बनेको छ । विशेष गरी अर्जुन घिमिरे उर्फ पाँडे र कुमार कट्टेल उर्फ जिग्री लोकप्रिय बनेका छन् ।


gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

testयस्तो बन्यो बोके दाह्रीको सुनको सिक्री

Footer Fix Banner
Share
Share
Social Media Auto Publish Powered By : XYZScripts.com