AD_ Wide Top

श्रीमतीका लागि ब्रत बस्ने कलाकार किरण केसी भन्छन : झगडा परेको थाहै छैन

१९ साउन,२०७४  |   Gufgaf.com

below social share detail page adv


loading...
श्रीमतीका लागि ब्रत बस्ने कलाकार किरण केसी भन्छन : झगडा परेको थाहै छैन

चार दशक एक साथ बिताउँदा पनि एकअर्कासँग मनमुटाव भएको छैन । एकले अर्कालाई पूर्ण रुपमा साथ र सहयोग गरेर अघि बढेका छन् । दुई छोरा र एक छोरीका आमा बुवा बनेर हजुरबुवा हजुरआमा बनिसक्दा पनि एकले अर्कालाई गर्ने मायामा कमी भएको छैन । एकले अर्काको कामको लागि पूर्ण रुपमा साथ र सहयोग गरिरहेका छन् । एक सफल र खुसी दम्पतीको जिन्दगी जिईरहेका छन् । यो जोडी हो हाँस्यकलाकार किरण केसी उर्फ राता मकै, चिकेन चिल्ली र सीता केसीको । किरण केसी र सीता केसीको विवाह भएको चार दशक पुगिसकेको छ । यी दुईले मागी विवाह गरेका थिए । मागी विवाह गरेपनि एकले अर्कालाई बुझ्न खासै समय लागेन । यहि कारण उनीहरुको वैवाहिक जीवन सुखद तरिकाले अघि बढ्यो । यो जोडीको दाबी अनुसार वैवाहिक जीवनको चार दशकमा आफूहरु बीच कुनै पनि कुरामा विवाद भएको याद पनि छैन । दुवै जना भन्छन्, ‘हाम्रो त झगडा परेकै थाहा छैन ।’cc new

तर किरण केसीले मद्यपान गर्नेताका भने श्रीमती सीताले चित्त दुखाउने गर्थिन् । १५ वर्षयता धुम्रपान र मद्यपानबाट टाढा छन् किरण । तर मद्यपान गर्ने समयमा उनी घर ढिला आउने भएका कारण सीताले मन दुखाउने गर्थिन् । उनीहरुबीचको मनमुटाव र विवाद जे भनेपनि यहि नै हो । तर किरणले आफूलाई धुम्रपान र मद्यपानबाट टाढा राखे पछि भने यो जोडीले एकले अर्काको मन दुखाउने काम कहिल्यै पनि गरेको छैन । यस विषयमा बोल्दै किरण भन्छन्, ‘कहिले काही मेलै नै गल्ती गरेर उनलाई रिसाउने बनाएको छु । आधा घण्टा, बढीमा डेढ घण्टासम्म उनी नबोलेर बसेको पल भने छ । अरु त केही पनि छैन । म कलाकारिताको मान्छे । यस क्षेत्रका बारेमा मैले उनलाई भन्नुपर्ने अवस्था पनि आएको छैन । उनी आफैले बुझिदिएकी छिन् । यस्तो अवस्थामा हामीबीच कहिल्यै पनि विवाद हुने अवस्था नै सिर्जना भएको छैन । उनले दिएको साथ र गरेको सपोर्टको लागि मेरो एउटा जिब्रोले मात्रै प्रशंसा गरेर पुग्दै पुग्दैन । हजार जिब्रो भए पनि पुग्छ जस्तो लाग्दैन मलाई । जीवन साथी असाध्यै असल पाएका कारण पनि म सार्थक छु । जीवन साथीको रुपमा उनलाई मेरो जीवनमा पठाईदिएकोमा भगवानलाई म धेरै धेरै धन्यवाद भन्न चाहन्छु ।’

किरण केसीको अहिलेको सफलतामा किरणले जत्तिको मेहनत गरेका छन् त्यत्तिकै मेहनत उनकी श्रीमती सीता केसीले पनि गरेकी छिन् । किरणका हरेक कामका लागि उनको साथ र सहयोगले निकै ठूलो भूमिका खेलेको छ । आफ्नो श्रीमान्को काम राम्रो होस् भन्ने हिसाबले नै सीता किरणको कामको कमीक मजोरीहरु औँल्याउने र ती कमजोरीलाई सुधार गर्नुपर्ने सुझाव पनि दिन्छिन् । किरण पनि श्रीमतीका हरेक सुझावहरुलाई आत्मसाथ गर्दै अघि बढेका छन् ।
श्रीमतीको लागि ब्रत बस्छन् किरण
प्राय श्रीमती श्रीमान्को लागि ब्रत बस्ने गर्छन् । तर अपवाद र अनौठो किरण केसी भने श्रीमतीको लागि ब्रत बस्न थालेको नै झण्डै ३० वर्ष भईसकेको छ । यस विषयमा किरण भन्छन्, मेरी श्रीमतीले मेरो आयु बढाउनको लागि ब्रत बस्छिन् भने मैलै पनि उनको लागि केही गर्नु पर्यो नी । यहि कारण म उनको लागि ब्रत बस्न थालेको पनि झण्डै ३० वर्ष भयो । म साउनको सोमबार आराध्य देव भगवान् पशुपति नाथसँग उनको दीर्घ जीवन, उनको सुस्वास्थ्यको लागि प्राथना गरेर ब्रत बस्ने गरेको छु । अनि तीजमा पनि ब्रत बस्छु त्यो सबै उनको लागि ।’


below social share detail page adv two

gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

testतितो सत्यका बालकलाकार राज भारतमा के गर्दैछन् ?

Footer Fix Banner
Share
Share
Social Media Auto Publish Powered By : XYZScripts.com