AD_ Wide Top

नेपाल आईडलको फाईनल आज, फाईनलसम्म पुग्दा भए यस्ता कुरा

०७४ असोज ०६ गते  |   Gufgaf.com

below social share detail page adv


loading...
नेपाल आईडलको फाईनल आज, फाईनलसम्म पुग्दा भए यस्ता कुरा

सन् २००२ मा अमेरिकाबाट शुरु आएको अमेरिकन आईडल अहिले नेपाल आईडलको रुपमा नेपालमा सञ्चालन भईरहेको छ । नेपाल आईडल पूर्व ईण्डियन आईडल चर्चित छ । सन् २००४ देखि भारतको सोनी ईन्टरटेनमेन्टले यसलाई ईण्डियन आईडलको रुपमा सञ्चालन गर्दै आएको छ । भारतीय टेलिभिजन सोनी ईन्टरटेनमेन्टमा ईण्डिन आईडल हेर्ने, सकेसम्म र मिलेसम्म भोट गर्ने नेपालीहरुले नेपालमै त्यहि कार्यक्रम आएपछि नहेर्ने र भोट नगर्ने त कुरै थिएन । नेपाल आईडल नेपालमा आउने भन्ने थाहा पाएदेखि नै सबै नेपालीहरु यसलाई हेर्न आतुर भएका थिए । अन्तराष्ट्रिय स्तरको सिंगिंङ रियालिटी शो भएका कारण पनि नेपाल आईडलको क्रेज शुरुवात देखि नै बढी छ ।

नेपाली मिती अनुसार नेपाल आईडल बैशाख ७ गते (सन् २०१७ अप्रिल १९) देखि टेलिकास्ट हुन थाल्यो । तर नेपाल आईडलको अडिसनबाटै आलोचना शुरु भयो । राम्रो गाउनेलाई नै जजहरुले फाले भनेर सामाजिक सञ्जालमा यसको विरोध शुरु भयो । नेपाल आईडलका निर्णयकहरु न्ह्यु बज्राचार्य, ईन्दिरा जोशी र कालिप्रसाद बास्कोटाकै संगीत ज्ञानमा औँला उठाईयो । उनीहरुमा राम्रो संगीत ज्ञान नभएको र रुपका कारण मात्रै निर्णयकको कुर्सीमा बसालेको कुराहरु पनि आए । तर बाहिर जतिसुकै विरोध र आलोचना भएपनि नेपाल आईडलको टिमले यसलाई सामान्य रुपमा लियो । किनभने नेपाल आईडलको जुन उचाई छ त्यस अनुसार यसरी आलोचना हुनु उनीहरुलाई कुनै ठूलो कुरा लागेन ।
नेपाल आईडलका ३७ एपिशोड टेलिकास्ट भईसकेका छन् । यहाँसम्म आईपुग्दा यसले विभिन्न खाले टिका टिप्पणीहरु पाईरहेको छ । नेपाल आईडलको एपिशोड ३१ ले पनि विरोधको सामना गर्नु परेको थियो । यो एपिशोडमा अतिथी निर्णयक बनेर गएका गायक रामकृष्ण ढकालको अभिब्यक्तिलाई लिएर आइडलका केहि प्रतिष्पर्धीका समर्थकले गायक ढकाललाई सामाजिक सञ्जालमा मानमर्दन नै गरे । उनले कार्यक्रमका उत्कृष्ट ४ मध्ये आफूलाई निशान भट्टराई अन्यन्तै मन पर्ने र उसको लागि भोट गर्ने बताएपछि उनले जातका हिसाबमा निशानलाई सपोर्ट गरेको र अन्यलाई हेपेको भन्दै सामाजिक सञ्जाल प्रयोग कर्ताले विरोध गरे ।

त्यस्तै नेपाल आईडलका उत्कृष्ट चार प्रतिस्पर्धीबाट उत्कृष्ट तीन छान्ने समयमा मन परेको प्रतिस्पर्धी बाहिरन लागेका कारण आयोजकले एलिमिनेशन नगरेको भन्दै अदालतमा मुद्दा नै पर्यो । यसमा धाँधली भएको भन्दै मुद्दा परेपछि अदालतले पनि अल्पकालिन अन्तरिम आदेश नै दिएको थियो । नेपाल आईडलको ३३ औँ एपिशोडमा उत्कृष्ठ तीन प्रतिस्पर्धी छान्ने बेला थियो । तर कार्यक्रमको अन्त्यमा गएर त्यो साता कोही पनि आउट नगरिने घोषणा प्रस्तोताहरुले गरे । बरु अर्को हप्तासम्मको लागि सबैलाई राखियो र भोटको अपिल गरियो । दुई साताको भोट जोडेर कम भोट पाएकालाई कार्यक्रमबाट बिदाई गरिने आयोजकले जानकारी दियो । तर धाँधली गरेको भन्दै मुद्दा नै परेपछि अदालतले दोस्रो हप्ताको भोट नगन्न अन्तिरिम ओदश दियो र पहिलो साताकै भोट अनुसार सागर आलेलाई आउट गरियो ।

यसरी उत्कृष्ट ३ प्रतिस्पर्धीसम्म आईपुगेको नेपाल आईडलको फाईनल आज कतारको सनायास्थित एशियन टाउनको एम पी थियटरमा गरिँदैछ । आज नेपालले पहिलो नेपाल आईडल पाउँदैछ । लक्ष्मण पौड्यालको निर्देशनमा नेपाल आईडल सिजन १ शुरु भएको हो । ३७ एपिशोड्ससम्म नेपालमा खिचिएको नेपाल आईडलको फाईनल भने कतारमा गरिँदैछ । नेपाल आईडलको फाईनल कतारमा गर्ने घोषणा भएलगत्तै पनि यसको चौतर्फी विरोध भएको थियो । तर ‘काग कराउँदै गर्छ पिना सुक्दै गर्छ’ भने जस्तै सबैको विरोध र आलोचनालाई बेवास्ता गर्दै नेपाल आईडलका आयोजकहरुले यसलाई सभ्य र भव्य बनाउने योजना सहित कतारमा फाईनल गर्दैछन् ।
नेपाल आईडलका विजेताले २० लाख नगद, महिन्द्रा के युभी कार र १५ लाख बराबरको एल्बम कन्ट्रयाक्ट पाउनेछन् । त्यस्तै दोस्रो र तेस्रो हुनेले पनि खाली हात फर्कनु पर्ने छैन । दोस्रो हुनेले १५ लाख नगद पाउनेछन् भने तेस्रो हुनेले १० लाख नगद पाउनेछन् ।


below social share detail page adv two

gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

testतितो सत्यका बालकलाकार राज भारतमा के गर्दैछन् ?

Footer Fix Banner
Share
Share
Social Media Auto Publish Powered By : XYZScripts.com