AD_ Wide Top

सधै मेरो गुनगान गाउनु पर्दैन : प्रदीप खड्का

२५ असोज,२०७४  |   Gufgaf.com

below social share detail page adv


loading...
सधै मेरो गुनगान गाउनु पर्दैन : प्रदीप खड्का

काठमाण्डौ असोज २५ ✎ यतिबेला नायक प्रदीप खड्का नेपालकै सर्वाधिक महङ्गो कलाकारका रुपमा अगाडि आएका छन् । ‘प्रेमगीत’को प्रिक्वेल र सिक्वेल हिट भए पछि उनी चर्चाको केन्द्र विन्दुमा रहे । तर पछिल्लो समयमा सिनेमाको नाम घोषणा कार्यक्रमको प्रेसमीटमा बडिगार्ड सहित गएको विषयलाई लिएर प्रदीप विवादमा आए । त्यो विवादलाई सहज रुपमा स्विकार गरेका नायक प्रदीपको विषयमा हालै मात्र एक मिडियाले ‘प्रदीपको चुरीफूरी’ शीर्षकमा समाचार प्रकाशित गरिदियो । यसले गर्दा उनी फेरि चर्चामा आएका छन् । यस्तो समाचार आए पछि केही झस्किएका प्रदिपले समाचार फेसबुकमा शेयर गर्दै चित्त दुखाई गरेका छन् । यसै विषयमा नायक प्रदीप खड्का संग हामीले आज गफगाफ गरेका छौँ ।
प्रदीप खड्का सामाजिक सञ्जालमा समाचारको जवाफ दिएर फेरि चर्चामा आउनु भयो । हिजोआज समाचारहरुमा निक्कै अल्मलिने गर्नुहुन्छ हो ?
मलाई समाचारमा त्यस्तो चिज आउँदा खासै केही फरक त पर्दैन । तर, जसले पढ्नुहुन्छ र जसले मेरो समर्थन गर्नुहुन्छ उहाँहरुको लागि भने समस्या हुदोँ रहेछ । मलाई जसले माया गर्नुहुन्छ नि मैले उहाँहरुको लागि बोल्नुपर्न अवस्था आएर नै सामाजिक सञ्जालमा बोलेको हुँ ।

नभए मलाई व्यक्तिगत रुपमा यस्तो कुराले केहीपनि फरक पर्दैन । किनभने काम गर्न हो । अरुले जे भने पनि आम दर्शकले राम्रो भनेपछि मलाई पुग्छ । उहाँहरुले नराम्रो भन्दा पनि मलाई केही फरक पर्दैन । तर,जसले मलाई माया गर्नुहुन्छ नि समाचारले गर्दा उहाँहरुको अगाडि मेरो प्रतिमा नराम्रो हुन्छ । त्यो भएर मात्र म बोलेको हो ।

‘प्रेम गीत’ हिट भईसकेपछि तपाई एक पछि अर्को विवादमा किन तानिरहनु भएको छ ?

खै ! यो म आफैले बुझिरहेको छैन । हुन त यो मलाई मात्र होईन सबैलाई हुन्छ । अहिले ‘छक्का पन्जा २’ को पनि त्यस्तै छ । तर, यो टार्गेट गर्ने तरिका हो जस्तो मलाई लाग्छ ।

नेपाली कलाकार र सिनेमा प्रति नकारात्मक टिप्पणी आउँदा तपाईलाई व्यक्तिगत रुपमा कतिको चोट पर्छ ?
यसमा कस्तो हुन्छ भने यदि गल्ती गरेको छ भने अवश्य पनि स्विकार्नु पर्छ । गल्ती नगर्दा पनि कसैले आलोचना गर्यो वा आक्षेप लगायो भने चाहि एकदमै असह्य हुने रहेछ । नबिराउँनु न डराउनु भन्छन् नि ! आफूले नराम्रो हुने केही गरेको छैन तर कोहीबाट हेपिईरहेको छ भने आत्म सम्मानमा ठेस पुग्दो रहेछ ।

सहनु पनि एक किसिमको अपराध नै हो जस्तो मलाई लाग्छ । कसैले दमन गर्छ र पेल्न खोज्छ भने सहेर बस्नुपर्छ जस्तो मलाई लाग्दैन । गल्ती गरेको छ भने मात्र डराउने हो । मेरा बारेमा जुन शब्द चयन गरेर खबर छापिएको छ, त्यो मसँग पावर छ जुन बेला चायो म तिमीहरुलाई माथि लैजान र तल झार्न पनि सक्छु भनेर  देखाएको पो हो कि !  हामीले चाह्यौ भने जे पनि गर्न सक्छौँ भनेर देखाएको जस्तो मलाई लागेको छ ।
नेपाली सिनेमा उद्योग अगाडि बढ्दै जाँदा नकारात्मक कुरा झनै किन बढिरहेको होला ?
मिडियामा बिक्नी भनेको नकारात्मक कुराहरु मात्र हो । आफ्नो स्वार्थ न हो । नकारात्मक कुरा लेख्यो भने बिक्री छिटो हुन्छ । तर, त्यो चिजले क्षणिक स्वार्थपूर्ती भए पनि नेपाली सिनेमामा कत्तिको प्रभाव पारिरहेको छ भन्ने कुरामा ध्यान दिनुपर्छ । गल्ति हुँदा आएको खबरदारीले हामीलाई सर्तक बनाउँछ । तर, चाहिने कुरामा आएको छ कि यत्तिकै आएको छ भन्ने कुरा पनि विचार पुर्याउनुपर्यो । म बाट गल्ती भयो भने सर्तक बनाउन लेख्नु पनि पर्छ । मेरो गुनगान मात्र गाउनुपर्छ भनेको पनि होईन । तर गल्ती नै नगरी मान्छेलाई त्यसरी यातना दिन चाहि भएन भनेको हो ।
3fbd0912609c7dd13a05f8731b4cb5ae5903278b4ba6d3.50212676मिडिया सम्म तपाईको चुरीफुरी बढ्यो भन्ने कुरा कसरी आईपुग्यो त ?
त्यो शब्द चयन कस्तो खालको हो ? त्यस भित्रको न्यूज के हो ? यो कुरा मैले पनि बुझ्नै सकेको छैन । मैले यसको विषयमा स्ट्याटस पनि लेखेको थिएँ । त्यो मलाई न्यूज जस्तो पनि लाग्दैन । गसिप जस्तो पनि लाग्दैन । आर्टिकल जस्तो पनि लाग्दैन । जम्मा एक हरफको मात्र छ । कसैले रिस उठेर फेसबुकमा स्ट्याटस लेखेको जस्तो छ ।

टाईटल त्यही माथि त्यस्तो खालको छ । अनि अब लेख्ने को हो ? के हो ? उसले आफ्नो नामपनि राखेको छैन त्यहाँ । नेपालको सबै भन्दा ठूलो मिडिया मानिएको कान्तिपुरले यस्तो खबर लेखेको छ ।

कसैले यस्तो ठूलो मिडियालाई स्वार्थ अनुरुप प्रयोग गरिरहेको हो कि ! मैले जे कामगर्दा पनि नकारात्मक लेखिदिने उसको भावना नै गलत हो जस्तो मलाई लाग्छ । यो लेखकले मलाई हेर्ने नजर नै खराब रहेछ जस्तो लाग्यो ।

त्यसो भए नेपाली मिडियाले अलिकति आक्रमक भएर नकारात्मक कुरालाई बढी प्राथमिकता  दिदैँ गएको हो?
अलि हो की जस्तो लाग्छ । फेरि नकारात्मक कुरा छिटो बिक्छ भनेर मिडियामा यस्तो भएको होला । तर यसले कस्तो असर पारिरहेको छ भन्ने कुरा विचार गरे हुन्थ्यो ।
नेपाली सिनेमा र कलाकारको सफलतालाई  सकारात्मक नजरले हेर्न सक्ने कसरी बनाउन सकिएला त ?
त्यो सानै देखि फरक पर्ने कुरा हो जस्तो मलाई लाग्छ । ऊ यदि राम्रो वातावरणमा हुर्केको छ भने उसले संसार नै राम्रो देख्छ । आफू मै खराबी भएपछि उसले सबैमा खराबी देख्छ ।


gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

test‘मह’सँग जोडिए टंक बुढाथोकी

Footer Fix Banner
Share
Share
Social Media Auto Publish Powered By : XYZScripts.com