AD_ Wide Top

‘अनुराग’बाट बाहिरिएका पलले भने, ‘पैसाको नि लोभ लाग्छ’

२७ असोज,२०७४  |   Gufgaf

below social share detail page adv


loading...
‘अनुराग’बाट बाहिरिएका पलले भने, ‘पैसाको नि लोभ लाग्छ’

काठमाण्डौ असोज २७ ✎ अभिनेता पल शाहले सिनेमा ‘अनुराग’ छोडेका छन् । पत्रकार ऋषि धमलाकी पत्नी एलिजा गौतमको निर्माण तथा अभिनय रहने यस सिनेमाका लागि पलले १८ लाख पारिश्रमिक लिएर अनुबन्धित भएको खबर केही दिन अघि मात्रै सार्वजनिक भएको थियो । सत्यराज चौलागाईँको निर्देशनमा बन्न लागेको ‘अनुराग’मा पल भन्दा अगाडि मोडल दीपक घिमिरे फाईनल भएका थिए । सिनेमाको आधिकारिक घोषणासँगै सिनेमाको लागि अभिनेताको रुपमा दीपकलाई फाईनल गरिएको थियो । तर दीपकले फाईनल भएको केहि दिनमै सिनेमा छाडे ।  दीपकले छाडे लगत्तै पल शाहको नाम यसमा जोडीयो । तर पलले पनि अब यसमा काम नगर्ने भएका छन् । जानकारी अनुसार अहिले निर्माण पक्ष नयाँ अभिनेतालाई लिएर वर्कशपमा जुटेको छ ।  पलले किन छाडे त ‘अनुराग’ हामीले उनलाई केही प्रश्न गरेका छौँ ।

‘अनुराग’ सिनेमामा अभिनय गर्ने कुरा थियो । समाचार छोडेको भन्ने आयो । कुरा सत्य हो ?
हो । कुरा एकदमै सत्य सुन्नुभएको रहेछ ।


किन छाड्नु भएको त ? त्यत्रो १८ लाख  पारिश्रमिक तपाईलाई दिने भन्ने कुरा थियो ‘अनुराग’बाट ।
पैसा मात्रै ठूलो कुरो होइन नी ।


के ठूलो हो त ?
सिनेमाको कथा वस्तु, काम गर्ने टिम । सबै भन्दा मुख्यकुरा दर्शकलाई मेरो सिनेमाले खुशी दिन सक्छ कि सक्दैन ? धेरै कुरा छन् नी ।


तपाईले ‘अनुराग’ सिनेमा गर्ने निर्णय लिँदासम्म स्क्रिप्ट पढ्ने वा कथा सुन्नु भएको थिएन ?
स्क्रिप्ट पढ्या होइन । मैले मुखैबाट एक लाइन कथा चाही सुनेको हो । कथा चित्त बुझ्दो नै थियो । मलाई स्क्रिप्ट र सम्पूर्ण ड्राफ्ट दिनुस् भनेर भनेको थिएँ । तर उहाँहरुले फाइनल ड्राफ्ट दिन सक्नुभएन । त्यही भएर नै मैले सिनेमा नगर्ने निधो गरेको हो


ड्राफ्ट त आउथ्यो होला त ?
ड्राफ्ट आए पनि उहाँहरुको सिनेमाको छायाकंन मैले काम गर्न लागेको मह सञ्चारको सिनेमा ‘शत्रु गते’को छायाकंन जुध्यो । मैले अघि नै भने नी पैसा नै सबै थोक होइन । सुरुमा उहाँहरुको कुरा परिपक्व तरिकाले पनि आएन । यता ‘शत्रु गते’को लागि मैले समय दिइ सकेकोले पनि त्यो सम्भव भएन । यहिकारण पनि ‘अनुराग’बाट मैले बाहिरिने निर्णय गरेको हुँ ।


‘अनुराग’बाट बाहिरिनुमा अरु कुनै व्यक्तिगत असमझदारी वा मनमुटाव त होइन नी ?
होइन ! होइन ! मेरो उहाँसंग त्यस्तो कुनै नराम्रो भएको छैन । मैले मेरो दर्शकहरुका लागि राम्रो भन्दा राम्रो सिनेमा दिने प्रयत्न गर्दैछु । उहाँहरुले पनि राम्रै सिनेमा बनाउने प्रयास गर्दैहुनुहुन्छ । फेरि राम्रो कलाकार बन्नको लागि काम प्रति बफादार पनि त हुनु पर्यो ।


त्यसो भए सिनेमा प्रति तपाई अलि सिरियस हुन थाल्नुभएको हो ?
दर्शकको मायाले गर्दा अलि सिरियस हुन लाग्या हो । उहाँहरुले म प्रति धेरै विश्वास र आशा राख्नु भएको छ । त्यसले गर्दा पनि सिनेमा अलि छानेर, राम्रो स्क्रिप्ट र राम्रो टिम संग काम गर्ने मेरो रहर हो । पैसा मेरो लागि प्रमुख कुरा होइन । कहिले काही धेरै पैसा देख्दा लोभ नि लाग्छ  । मान्छे हुँ म पनि । मलाई नि चाहिन्छ । तर पैसा धेरै दिँदैमा कथा स्पष्ट नभएको सिनेमा गर्नु पनि  त भएन नी ।




gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

testयस्तो बन्यो बोके दाह्रीको सुनको सिक्री

Footer Fix Banner
Share
Share
Social Media Auto Publish Powered By : XYZScripts.com