AD_ Wide Top

चैत २४ देखि १९ दिने ‘आन्दोलन’ शुरु


below social share detail page adv


loading...
चैत २४ देखि १९ दिने ‘आन्दोलन’ शुरु

चैत २४ गते शुक्रबारदेखि फेरि ‘आन्दोलन’ शुरु हुने भएको छ । यो आन्दोलन पनि ६२र६३ को आन्दोलनजस्तै १९ दिनसम्म चल्नेछ ।

यो पटक ‘आन्दोलन’ सडकमा नभई काठमाडौं मल सुनधारास्थित नाटकघर थिएटर मलमा हुन लागेको हो । सौरभ कार्कीको योजनामा सुदाम सिकेले ‘आन्दोलन’ को नेतृत्व गर्दैछन् ।

२०४६ तथा २०६२ र ६३ को जनआन्दोलन शुरुवात भएको विशेष र ऐतिहासिक दिन चैत २४ बाटै त्यस्तै झल्को दिने नाटक ‘आन्दोलन’को मञ्चन सुरु हुन लागेको हो । यस नाटकलाई सौरभ कार्कीले लेखेका हुन् भने प्रतिवद्ध युवा रंगकर्मी सुदाम सिकेले निर्देशन गरेका हुन् ।

आन्दोलनकारी युवाहरुमा भने कलाकारहरु रियर राई, संयोग गुरागाईं, इँगिहोपो कोर्इँच सुनुवार, सिजन दाहाल, मिलन कार्की, बिनिता गुरुङ र सुदिप खतिवडा छन् । त्यस्तै नेपथ्यमा रहेर सघाउने आन्दोलनकारीहरुमा सुरेश कार्की, रामशरण रेग्मी, घनश्याम श्रेष्ठ, राजेन्द्र भट्ट, अमुल श्रेष्ठ, किरण चाम्लिङ, प्रेम शाक्य, सवनम चौधरी लगायत छन् ।

आन्दोलनका क्रममा नाटकघर बाहिर फोटो कलाकार दिपेन्द्र बज्राजाचार्यले ६२ र ६३ को आन्दोलनमा खिचेका तस्विरहरु पनि प्रदर्शन गर्ने थिएटर मल नाटकघरका कला निर्देशक केदार श्रेष्ठले जनाएका छन् ।

उनले थिएटर मलमा राजनीति र समाजसँग जोडिएका नाटकहरु धेरै मञ्चन भएपनि यो विशेष रहेको बताए । ६२ र ६३ कै आन्दोलन भोगेका, सहभागी भएकाहरु संलग्न यस नाटक सोही जनआन्दोलनको सम्झना र सम्मानमा मञ्चन गरिन लागिएको हो ।

नाटक ‘आन्दोलन’ बैशाख ११ गतेसम्म हरेक साँझ ठिक ५ः३० बजे र शनिबार दिउँसो १ः३० बजे मञ्चन हुनेछ । यो पटक नै बिदाको दिन नराखी थिएटर मलमा बुधबार पनि नाटक मञ्चन हुने भएको छ ।


gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

सम्बन्धित कला साहित्य


Sidebar khuldulee top adv

khuldulee.com

Sidebar khuldulee below adv

धरैले पढेको

testप्रभासले अनुष्कालाई दिए कार उपहार !

Footer Fix Banner
Share
Share
Social Media Auto Publish Powered By : XYZScripts.com