AD_ Wide Top

होमवर्कको बाहानामा केटाहरु घर आउँथे, एक चोटी पक्डिएको छु– “धनपति” नायिका सुरक्षा पन्त

१५ असार,२०७४  |   Forsee Network

below social share detail page adv


loading...
होमवर्कको बाहानामा केटाहरु घर आउँथे, एक चोटी पक्डिएको छु– “धनपति” नायिका सुरक्षा पन्त

नायिका सुरक्षा पन्त आलोक नेम्बाङ्गको सिनेमा “अझै पनि” बाट सिनेमा क्षेत्रमा आएकी हुन् । पेसाले सिभिल ईन्जिनियर सुरक्षा कला क्षेत्रमा पनि उत्तिकै सक्रिय छिन् । उनले काम गरेको सिनेमामा “धनपती” असारको २३ गते रिलिज हुदैँछ । धनपतिको प्रोमोशनको क्रममा फर्सीनेटवर्क आएकी सुरक्षाले हामी सँग आफू किशोरावस्था हुँदाका कुरा सेयर गरेकी छिन्–

10998005_10205484237881155_2591019777808533979_nपरिवार भनेको सुख दुख साट्ने थलो
म जन्मेको बुटवल सुख्खानगरमा हो । हाम्रो पुर्ख्योली घर भने बाग्लुङ्ग हो । पछि ममी बुबा बुटबल झर्नु भएकोले बाल्यकाल मैले उता नै बिताएँ । मेरो परिवारमा बुबा, उहाँको दुई श्रीमती र हामी चार जना दिदी बहिनी र सानो भाई छौ । परिवार भनेको सुख दुख साट्ने थलो हो जस्तो मलाई लाग्छ । परिवारमा सबै सँग मेरो सम्बन्ध राम्रो छ । परिवारमा सबै सँगै भएपछि उतार चढाव त भई नै हाल्छ । अरुको हेरिकन मेरो परिवारमा माहोल राम्रो थियो किनकी हामीलाई दुई जना आमाले हुर्काउनु भएको हो । यो कुरामा हामी आफूलाई निकै धनी मान्छौ । बाबा सँग भने त्यति घुलमिल हुने मौका मिलेन किनभने सानो छदाँ नै बाबा जापान जानु भयो । आठ नौ वर्ष उता बसेर आउँदा सम्म हामी हुर्किसकेका थियौ । बुबा सँग भन्दा आमाहरु सँग निकै नजिक छौं । उहाँहरु सँग साथीको जस्तो सम्बन्ध छ । झन् हामी दिदी बहिनी सँगै भयौं भने हामीलाई अरु कोहि साथी नै चाहिदैन ।

12733403_10207659876630764_6235755760213199157_nपढाईमा अब्बल
परिवारमा सबै जना पढाई केन्द्रित थियौं । समाजमा डाक्टर र ईन्जिनियरलाई उच्च रुपको पेशाका रुपमा लिएको छ । त्यही पेसामा आबध भएकाहरु सँग परिवारको धेरै सङ्गत भयो । त्यसैले पनि पढ्नुपर्छ । राम्रो गर्नुपर्छ भन्ने हुन्थ्यो । यहि कारण पढाई राम्रो थियो । स्कुलमा प्रथम हुन्थें । विद्यालयबाट कहिल्यै भागिन । कहिले काही भने अल्छी लागेर यो कक्षा नभईदिओस जस्तो भने हुन्थ्यो । साथीहरु सबै मिलेर आज टिचरलाई नपढाँउन भनौ भन्ने खाल्को वातावरण भने हुन्थ्यो । कलेजमा आउँदा सम्मको स्टोरी भने बेग्लै छ । काठमाडौ बाहिरका विद्यालयमा भने पढाईमा एकदमै केन्द्रित हुन्छ । यता भने विद्यालयहरुमा अतिरिक्त क्रियाकलाप सङ्लग्न गराउनुहुन्छ । त्यो उमेर नयाँ कुराहरुको बारेमा हामीलाई थाहा भईरहेको हुन्छ । कक्षा–८ पछि धेरैको जिवनमा पढाई, शारीरिक र मानसिक विकासको परिवर्तन आउने गर्छ । यो सबै कुरालाई हामीले व्यवस्थापन गरेर लानुपर्न हुन्छ ।

15965384_10210575979331509_2064333725937344414_nमन पराउने मान्छेले कार्ड पठाउँथे
म सानोबाट केटाहरु सँग घुलमिल हुन्थे । केटीहरु सँग मिल्न र बसेर कुरा गर्न कहिल्यै सकिन । मलाई दौडिनु र उफ्रिनुपर्ने त्यही भएर प्राय जस्तो सङ्गत केटाहरु सगै हुन्थ्यो (हासोँ)। त्यो बेलामा मोबाईलको जमाना थिएन । मोबाईल भएपनि ठूला बडा सँग मात्र हुने । केटाहरुले भने घरको ल्यान्ड लाईनमा होमवर्कको बाहानामा फोन गरेर ममीलाई सुरक्षालाई दिनु भन्थे । त्यसो हुँदा ममी बुबाले हेर्ने दृष्टिकोण नै अर्को हुन्थ्यो । त्यो बाहेक होमवर्कको, टिउसनमा के पढायो रे आज जस्तो बाहाना पारेर केटाहरु घर सम्म कापी लिन आउँथे । त्यस्तो समस्यामा कति पर्थेँ । त्योबेला धेरैले मन पराएको मान्छे कार्ड र गिफ्टहरु पठाउँथे (लामो हासोँ)। त्यो चिज बुबा ममीले कसरी लिनुभयो मलाई थाहा छैन । उहाँहरुले सायद बुझ्नुहुन्थ्यो होला । उहाँहरुले मलाई एक दुई चोटी पक्डिनुभएको पनि छ । एउटा केटालाई त यसरी घर सम्म नआउँ तिमी भनेर थर्काईदिनु भएको पनि छ । गाली खान्छु भन्ने डर लागेको थियो । तर, सबै कुरा सम्हालियो । यो सबै सम्झिेर मलाई अनौठो लाग्छ । त्यो समय आफूमा आईरहेको परिवर्तन देखेर अनौठो लाग्थ्यो । यस्तो परिवर्तन म मा मात्र आएको हो की अरुमा आउँछ भन्ने छुटाउन गाह्रो हुन्थ्यो । त्यो समयमा एक्लो महसुस गरिन्थ्यो । अहिले आएर भने त्यो सबै कुरा शारीरिक र मानसिक परिवर्तनको कारणले आएको हो भन्ने थाहा हुन्छ । त्यी परिर्वतनहरु सामान्य हुन् । त्यो बेला लिएको निर्णय चाहि अहिले आएर मुर्खाई गरेको जस्तो लाग्छ । हो, म सानोमा यस्तो थिएँ है छ्या जस्तो लाग्छ (लामो हाँसो) । त्यो बेला धेरै कुरामा यतिकै डर लागेर मन आतिने गथ्र्यो । म सँग के भईरहेको छ– म को सँग भन्ने जस्तो लाग्थ्यो । आफ्नो भावना कसलाई व्यक्त गरौं जस्तो लाग्थ्यो । सामान्य मात्र हैन माया प्रेमको कुरा पनि कसलाई भनौ जस्तो लाग्थ्यो । आफूलाई पनि राम्रो लागेको हुन्थ्यो त्यो कुरा तर के गर्न त । यता हेरौ आमा बुबा हुनुहन्छ, अर्का तिर माया गर्ने मान्छे छ मैले भन्ने कि नभन्ने भन्ने खाल्को दुबिदा आईपर्थ्यो ।

16299128_10210755632702731_5434129256689808772_nकिशोर-किशोरीलाई सल्लाह
जिवनमा आएको समस्या सँग आफै जुझ्नुपर्छ । त्यो समस्याको समाधान आफैंले गर्नुपर्छ । जिवनमा आउने परिवर्तनलाई तिम्रो निर्णयले धेरै महत्व दिन्छ । त्यसैले अनुभव भएका सँग सल्लाह लिन निकै जरुरी छ । त्यो समयमा सबै भन्दा नजिक भनेको हाम्रो दाजु भाई वा दिदी बहिनी नै हो । हामीलाई लागेको कुरा हामी उहाँहरु सँग भन्न सक्छौ । उहाँहरुले पनि जिवनमा यी सबै कुराहरु सिकेर अघि बढेको हो । उहाँहरुले हाम्रो कतिपय कुराहरु गोप्य पनि राखिदिनुहुन्छ । कसैको अगाडी गएर भनिदिनुहुन्न भन्ने अत्म विश्वास पनि हुन्छ । यदि हाम्रो दाजु भाई वा दिदी बहिनी कोही हुनुहुन्छ भने उहाँहरु सँग राम्रो सम्बन्ध राख्न निकै जरुरी छ । हामीले धेरै समय उहाँसगै बिताउछौं । त्यसैले यदि सम्बन्ध राम्रो भयो भने हाम्रो लागि फलदायी हुन्छ । त्यो बाहेक साथी भाईहरु त हामी सँग जहिल्यै हुन्छन् । हरेक ठाँउमा आमा बुबालाई साथी बनाउनुपर्छ भन्ने कुरा सत्य हो । यो कुरा हामीलाई किशोरावस्थामा भने कहिल्यै महसुस गर्दैनौं । यदि आफू सँग भएको कुराहरु आमा बुबा सँग बताउन मन छ भने कहिल्यै नडराउनुस् । शुरुमा तपाईको कुरा सुन्ने बितिक्कै उहाँहरुले तत्काल जवाफ फरकाउनु होला तर त्यो कुरा नकारात्मक कहिल्यै हुँदैन । तपाईले विश्वास गर्ने भनेको आमा बुबा दाजु भाई दिदी बहिनीलाई नै हो । परिवारलाई नै हो ।


gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित खुल्दुली डट कम समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

testप्रभासले अनुष्कालाई दिए कार उपहार !

Footer Fix Banner
Share
Share
Social Media Auto Publish Powered By : XYZScripts.com