AD_ Wide Top

अन्तरजातीय विवाह गर्ने नेपाली सेलिब्रेटी, कोही सफल कोही असफल

१७ पुष,२०७३  |   Forseenetwork

below social share detail page adv

loading...
अन्तरजातीय विवाह गर्ने नेपाली सेलिब्रेटी, कोही सफल कोही असफल

अहिले पनि नेपाली समाजमा अन्तरजातीय विवाहलाई पूर्णरुपमा स्विकार गरी सकिएको छैन । फलस्वरुप अन्र्तजातीय विवाह गर्ने जोडीहरु माथि सामाजिक बहिस्कार , भौतिक आक्रमण तथा मानसिक यातनाका समाचारहरु अझै पढ्न , सुन्न र देख्न पाईन्छ । तर पछिल्लो समयमा अन्र्तजातीय विवाहलाई विस्तारै स्विकार गर्दै गएको पनि पाइन्छ । सरकारले अन्र्तजातीय विवाह गर्नेलाई प्रोत्साहन भत्ता दिने कार्यक्रमसमेत ल्याएको छ । विडम्बना अन्र्तजातिय विवाह गर्नेहरुको लागि अझै सहज वातावारण भने भइसकेको छैन् । यही क्रममा केहि नेपाली सेलिब्रेटीहरुले समाजको पुरानो सोचलाई चिर्दै अन्तरजातीय विवाह गर्ने हिम्मत गरेका छन् । अन्र्तजातीय विवाह गरेर आफ्नो खुशी र सुखी जीवन विताइरहेका केही सेलिब्रेटीहरुको बारेमा आज हामीले एक सामाग्री तयार पारेका छौँ ।

20140119115928_38f599571f928ab3235ead9240fee067@filmykhabar.com_

करिष्मा मानन्धर र विनोद मानन्धर
अभिनेत्रीबाट निर्मात्री बनेकी करिष्मालाई विवाहपछि फस्टाएकी अभिनेत्री भनिन्छ । यस अर्थमा करिष्माको लागि विवाह फलदायी बन्न पुग्यो । करिष्मा मानन्धर र विनोद मानन्धरको अन्तर जातीय विवाह भएको हो । नेवार परिवारका विनोद र क्षत्री परिवारकी करिष्माको प्रेम विवाह भएको थियो । करिष्माले विनोदलाई करियरको सुरुवातमा नै भेटाएकी थिईन् । यहि कारण करिष्मा केसी, करिष्मा मानन्धरका नामले परिचित भईन् । उनका धेरै नयाँ फ्यानहरुलाई उनी केसी हुन भन्ने पनि थाहा नहुन सक्छ । किनकी करिष्मा मानन्धर निकै चर्चित नाम हो । करिष्मा र बिनोद एक छोरी कविताका अभिभावक हुन् । हाल कविता पनि फिल्म क्षेत्रमा प्रवेश गर्ने हल्ला चलिरहेको छ ।

13133240_10153651652105003_8641093294452903649_n-1

उषा खड्गी र जी पी तिमल्सिना
सन् २००० की मिस नेपाल उषा खड्गी र सञ्चारकर्मी जी पी तिमल्सिनाको पनि अन्तरजातीय विवाह भएको थियो । बाहुन परिवारका जि पी र नेवार परिवारकी उषाको प्रेम विवाह हो । टेलिभिजन कार्यक्रममा सँगै काम गर्दा उनीहरु एक अर्काको नजिक भए । तर उनीहरुलाई प्रेम गर्न जति सजिलो भयो विवाह गर्न त्यति नै अप्ठ्यारो पनि । हरेक बाधा व्यवधानलाई पार गरेर उनीहरुले आफ्नो प्रेमलाई विवाहमा परिणत गरेरै छाडे । २००२ मा विवाह गरेका उनीहरु अहिले दुई सन्तान, एक छोरा र एक छोरीका अभिभावक भईसकेका छन् ।

bhuwan

भुवन केसी र शुष्मिता बोम्जन
महिला प्रेमी अभिनेता भुवन केसी र अभिनेत्री शुष्मिता बोम्जनको पनि अन्तरजातीय विवाह भएको हो । एकसाथ काम गर्ने क्रममा माया प्रेम बसेपछि उनीहरुले विवाह गरेका हुन् । भुवन क्षेत्री थिए भने शुष्मिता तामाङ समुदायकी । पहिले नै विवाहित भुवनले पहिलो श्रीमती छाडेर शुष्मितालाई अंगाले । एकअर्कालाई प्रेम गरेर अलग–अलग जातमा विवाह गरेको भएपनि उनीहरुको विवाहले भने लामो यात्रा गर्न सकेन । नायक अनमोल केसीको जन्मपछि उनीहरु एकअर्काबाट अलग भए । श्रीमती शुष्मितासँग अलग भएका भुवन अहिले छोरा अनमोलसँग बस्दै आएका छन् । तर यो भन्दा पहिले भुवनको नाम केहि महिलाहरुसँग जोडियो । जसमध्ये उनको र जिया केसीको सम्बन्धले सबैलाई चकित पारेको थियो । त्यस्तै शुष्मिताको पनि भारतीय नागरिकसँग नाम जोडिईसकेको छ । भुवन र शुष्मिताका छोरा अनमोल अहिले नेपाली सिनेमाका सुपरस्टारको रुपमा परिचित छन् ।

Yesh-Kumar4

यश कुमार र रीना खड्गी शाही
सर्लाहीमा जन्मेका यश कुमारले काठमाण्डौ बाग बजारकी रीना खड्गी शाहीसँग अन्तरजातीय विवाह गरेका हुन् । करियरको सुरुवाती दिनहरुमा एल्बम निकाल्ने यश एल्बमको खोल डिजाईन गर्न बागबजार जाने गर्थे । यहि क्रममा उनको रीनासँग भेट भएको थियो । सुरुमा बोलचाल मात्र हुने उनीहरु केहि समयपछि एकअर्का बिना बाँच्न नसक्ने भए । यश कुमार आफू नेपाल भएका कारण नेवारकी छोरीसँग विवाह गर्न ठूलै मेहनत गर्नु पर्यो । विवाहको लागि परिवारको सहमती नहुने भएपछि उनीहरुले भागेर विवाह गरेका हुन् । आज भने यश, रीनाको माईतीमा सबैभन्दा प्यारो ज्वाँई बनेका छन् । रीना र यशका छोरा नै १३ बर्ष भईसकेका छन् । यश फिल्म र गायनमा सक्रीय छन् भने स्नातक तह उर्तिण गरेकी रीना मैतीदेवीमा रिदम गोल्ड ट्रेड सेन्टर नामको गहना पसल चलाएर बसेकी छिन् ।

Diya-Maske-Anup-Baral-2-550x367

दिया मास्के र अनुप बराल
सात बर्षसम्म एकअर्काको प्रेममा रहेर निर्देशक अनुप बराल र अभिनेत्री दिया मास्केले २०७१ असार २३ गते विवाह गरेका थिए । विवाह गर्नुभन्दा पहिले उनीहरु लिभ ईन रिलेसनसिपमा पनि थिए । अनुपले दिया संग दोस्रो विवाह गरेका हुन । ताण्डब, जंगे, प्रताप, फन्को जस्ता सिनेमामा काम गरेका अनुप र दीयाको पनि अन्तरजातीय विवाह भएको हो । नेवार परिवारकी दिया र बाहुन परिवारका अनुपको सम्बन्धलाई परिवारले ईन्कार गर्न सकेन । यहि कारण दिया अनुपको घरमा बुहारी बनेर भित्रीईन् । दिया र अनुपले सिनेमा फिटकीरीमा पर्दा बाँडेका छन् ।

Image may contain: 2 people

देवी घर्ती र राजु ढकाल
दोहोरी साँझमा गाउन पाईन्छ भनेर काठमाण्डौ छिरेकी देवी र गायक बन्नका लागि तनहुँबाट काठमाण्डौ आएका राजु ढकालको पनि अन्तरजातीय विवाह गरे । । मगर परिवारकी देवी र बाहुन परिवारका राजुले जातपात नहेरीकन आफ्नो खुसी हेरे र एकअर्कालाई अंगाले । उनीहरुको प्रेमलाई घरपरिवारले पनि सजिलै स्विकार गर्यो । यी दुईले बाहुन र मगर परम्पराअनुसार दुईपटक विवाह गरेका थिए । दोहोरी साँझबाट करियर सुरु गरेका दुवैले लामो समयसम्म एकअर्काको प्रेममा मस्ती गरे । देवी अहिले ब्यवसायिक गायिका बनीसकेकी छिन् । तर राजुले भने फाट्ट फुट्ट मात्र गाउँछन् । ब्यवसायिक रुपमा गाउने देवी र फाट्ट फुट्ट गाउने राजुले अहिले सुन्धारामा दोहोरी साँझ खोलेका छन् । हाल उनीहरु आफ्नै दोहोरी साँझमा काम गर्छन् । राजु र देवी एक सन्तान छोरा रिदमका अभिभावक हुन् ।

Image may contain: 2 people, people standing
पूजा चन्द र राजु लामा
अभिनेत्री पूजा परियारले निर्देशक सुरज चन्दसँग विवाह गरेपछि आफ्नो थर बदलेर चन्द राखिन् । त्यसपछि उनी पूजा चन्दका नामले नै परिचित भईन् । सुरज चन्दसँग उनको विवाह सफल हुन सकेन । विवाह पछि एक छोरी जन्माएकी पुजा सुरजसँग डिभोर्स गरेर अमेरिका बस्न थालिन् । अमेरिकामा रहँदा उनी गायक राजु लामाको प्रेममा परिन् । राजुसँग पनि पूजाको अन्तरजातीय विवाह नै भयो । लामा परिवारका राजु र पूजाले साढे दुई बर्ष अघि मात्रै विवाह गरेका हुन् । यस हिसाबले अभिनेत्री पूजाले दुईपटक अन्तरजातीय विवाह गरेकी छिन् ।

1978410_10152288495768184_641954327_o

सत्य राज आचार्य र अनिता थापा
गायक सत्य राज आचार्यले पनि अनिता थापासँग अन्तरजातीय विवाह गरेका हुन् । पहिलो श्रीमतीको निधन पछि सत्यले अनितासँग प्रेम विवाह गरेका थिए । १० बर्ष जेठाले आफूलाई विवाहको लागि प्रपोज गर्दा अनिता दङग परेकी थिईन् । तर पछि एकअर्काको साथ र माया गर्ने तरिका मन परेपछि उनीहरुले विवाह गरे । थापाकी छोरी अनिता र बाहुनका छोरा सत्यलाई विवाहमा बाधा भने आएन । दुवैजनाको परिवारले उनीहरुको सम्बन्धलाई स्विकार गर्यो जस कारण उनीहरु आज एक अर्काको साथमा रमाईरहेका छन् ।

araj-keshav

प्राश्ना शाक्य र अराज केशब
गायिका तथा सञ्चारकर्मी प्राश्ना शाक्य र गायक अराज केशबको विवाह सफल हुन सकेन । तर यो जोडी एक समयको चर्चित जोडी हो । उनीहरुको जोडीलाई धेरैले मन पराउँथे । धरानकी प्राश्ना र महेन्द्रनगरका अराजले पनि अन्तरजातीय विवाह गरेका थिए । अराज केशब गीरी हुन् भने प्राश्ना नेवार । डिभोर्सको समयमा उनीहरुले आफूहरु दुवैको सहमतीमा अलग हुन लागेको आधिकारिक पुष्टि गरेका थिए ।

Image result for melina manandhar and mukesh dhakal

मेलीना मानन्धर र मुकेश ढकाल
अभिनेत्री मेलीना मानन्धर र अभिनेता मुकेश ढकालले पनि अन्तरजातीय विवाह गरे । नेवार परिवारकी मेलीना र बाहुन परिवारका मुकेशले प्रेम विवाह गरेका हुन् । एक छोरीका अभिभावक मुकेश र मेलीना चावहिलमा परिवारसँगै बस्ने गर्छन् । केही बर्षको अन्तर पछि मेलीना सिनेमामा फर्किएकी छिन् भने मुकेश सिनेमाबाट हराएका छन् भन्दा फरक पर्दैन ।

Shree-Krishna-Shrestha-and-Sweta-Khadka-Kohinoor-Movie

श्वेता खड्का र श्री कृष्ण श्रेष्ठ
२०७१ असार २३ गते श्रीकृष्ण र श्वेताको विवाह भएको थियो । श्री नेवार र श्वेता क्षत्री परिवारकी थिईन् । पाँच बर्षसम्म एक अर्काको प्रेममा रहेर श्वेता खड्का र अभिनेता श्रीकृष्णले प्रेमलाई विवाहमा परिणत गरेका थिए । उनीहरुको विवाह पनि अन्तरजातीय विवाह थियो । तर यो जोडी विवाहको एक महिनामै एकअर्काबाट अलग भयो । उनीहरुको बीचमा भगवान नै भिलेन बनेर आएपछि श्वेता एक्ली भईन् । २०७१ श्रावण २४ गते श्री संसारबाट बिदा भए । पतिको बियोगमा केही समयसम्म श्वेता डिप्रेशनमा थिईन् । तर अब भने उनी पूर्ण रुपमा ठीक भएकी छिन् । अहिले बिभिन्न ईभेन्टहरुमा उनी सहभागीता जनाउँछिन् । दर्जनौँ सफल फिल्महरु दिएका श्रीले श्वेतासँग भने कहाँ भेटीएला , श्रीमान् श्रीमती र कोहीनुरमा मात्र काम गरेका छन् ।

यसरी एकदुईलाई छाडेर हेर्ने हो भने अन्तरजातिय विवाह गरेका नेपाली सेलिब्रेटीहरुले आफ्नो वैवाहिक जीवनमा खासै ठूला बाधा अड्चन खेप्नु परेको छैन । उनीहरु अन्तरजातीय विवाह गरेर दुई समुदायलाई मिलाएर खुसी हुन सकिन्छ भन्ने उदाहरण बनेका छन् ।


gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

testयस्तो बन्यो बोके दाह्रीको सुनको सिक्री

Footer Fix Banner
Share
Share
Social Media Auto Publish Powered By : XYZScripts.com