AD_ Wide Top

हाँस्यकलाकारको पढाई– कोही ४ पटक फेल, कोहीले ल्याए विशिष्ट श्रेणी

२ जेठ,२०७४  |   Forseenetwork

below social share detail page adv

loading...
हाँस्यकलाकारको पढाई– कोही ४ पटक फेल, कोहीले ल्याए विशिष्ट श्रेणी

हाँस्यकलाकार जितु नेपाल उर्फ मुन्दे्र असार १ देखि ४३ वर्ष लागेका छन् । सिरियल, सिनेमा र स्टेजमा आफ्नो कमेडी प्रस्तुतिबाट दर्शक हँसाउदै आएका जितुले हाँस्यव्यङग्यको क्षेत्रमा २५ वर्ष बिताईसकेका छन् । यो २५ वर्षको अवधिमा उनले आफूलाई समसामयिक विषयवस्तुमा राम्रो दखल राख्ने र कडा व्यङग्य प्रहार गर्न सक्ने गर्ने व्यक्तिको रुपमा स्थापित गराईसकेका छन् ।
राम्रो सेन्स अफ ह्युमर भएका जितु पढाईमा भने ठिकठाकै रहे । उनले २०४८ सालमा एस एल सि दिएका हुन् । एस एल सि लगत्तै २०४९ साल देखि अभिनयमा लागेका उनले त्यसपछि जम्मा आई ए सम्मको अध्ययन गरे । २०४९ सालमा तत्कालिन टेलिसिरियल ‘आज भोलिका कुरा’बाट उनले कलाकारितामा प्रवेश गरेका हुन् । यस क्षेत्रमा लागेपछि कलाकारिताको भूतले गर्दा अध्ययनलाई अघि बढाउन नसकेको उनी बताउँछन् । सिन्धुपाल्चोकको जालपा माध्यामिक बिद्यालयबाट दोस्रो श्रेणीमा एसएलसी पास गरेका उनले आईए अध्ययन एक प्राईभेट कलेजबाट गरे । जितु नेपालको पढाईको यसै सन्दर्भमा आज हामी तपाईँलाई अन्य केही हाँस्य कलाकारहरुको शैक्षिक योग्यताबारे पनि जानकारी दिँदै छौँ ।

दीपक राज गिरी
कलाकार दीपक राज गिरी पछिल्लो समय कुसल अभिनेता र निर्देशक मात्रै नभएर राम्रो स्क्रिप्ट राइटरको रुपमा पनि चिनिएका छन् । कलाकारमा हुनुपर्ने सबै गुण र क्षमता भएका दीपक पढाईमा पनि अब्बल नै छन् । उनले विक्रम सम्वत २०४० साल देखि २०४३ सालसम्म एसएलसि दिए । उनी एसएलसिमा तीन पटक फेल भए । तर हार मानेनन् । चौथो पटकमा उनले एस एल सी दोस्रो श्रेणीमा पास गरे । त्यसपछिको प्लस टु र स्नातक तहको अध्ययन उनले नेपाली र राजनीतिक शास्त्र लिएर गरे जसमा पनि उनी दोस्रो श्रेणी मै पास भए । उनले स्नातकोत्तर पढ्न पनि सक्दो प्रयास गरे । तर कलाकारितामा व्यस्त भएका कारण उनले स्नातकोत्तरको पढाई बीचमै छाड्नु पर्यो । व्यस्तताका कारण पढाई पूरा गर्न नसकेकोमा कहिले काही दीपकको मन चसक्क हुने गरेको छ ।

Deepa shree niraula 9

दिपाश्री निरौला
अभिनेत्री हुँदै निर्माता र निर्देशक बनेकी दिपाश्री निरौलाले लामो संघर्षपछि टेलिसिरियल ‘तितो सत्य’ बाट चर्चा र सफलता पाईन् । ‘तितो सत्य’ सँगसँगै उनले केहि सिनेमाहरुमा पनि काम गरिन् । कलाकारितामा सफल दीपा पढाईमा पनि ठिकठाकै छिन् । उनले महेन्द्र मोरङ क्याम्पसबाट आई ए सम्मको अध्ययन गरिन् । पहिलो श्रेणीमा एसएलसि पार गरेकी दीपा अभिनय र नृत्य नशा नशामा दौडिएका कारण पढाईलाई आईए भन्दा अघि लान नसकेको बताउँछिन् । खासमा दीपा सुरुवातमा सिनेमाकी अभिनेत्री बन्ने सोचमा थिईन् । तर उनी एक हाँस्यकलाकार र निर्देशकको रुपमा स्थापित भएकी छिन् ।

Image may contain: 1 person, standing and outdoor

किरण केसी
टेस्ट परीक्षा सम्म लगातार उर्तिण भएर अचानक एसएलसिमा फेल भएका कलाकार हुन् किरण केसी । उनी एसएलसिमा चार पटक फेल भए ! भन्दा तपाईँलाई पत्यार नलाग्ला तर उनी साँच्चि नै चार पटक फेल भएका थिए । उनी आफूलाई पढ्नै मन नलाग्ने, किताब हेर्यो की टाउको दुख्ने अनि पढ्नै नआउने भएका कारण फेल भएको र नपढेको बताउँछन् । तर कहिले काही पढ्नु पर्ने रहेछ ! भनेर पहिले नपढेकोमा पछुतो लाग्ने गरेको पनि उनको भनाई छ । तर उनलाई शैक्षिक योग्यता कम भएका कारण समस्या भने भोग्नु परेको छैन । शैक्षिक योग्यता कम भएपनि व्यवहारिक ज्ञानले नै जीवनलाई व्यवस्थित र सुखी बनाउन सकिने किरणको बुझाई र अनुभव छ ।

Image may contain: 1 person, cloud, sky, outdoor and nature

शिव हरि पौड्याल
शिव हरि पौड्यालले २०३९ सालमा एस एल सि पास गरेका हुन् । हेटौडाबाट एस एल सी दिएका उनले दोस्रो श्रेणीमा पास गरे । त्यसपछि उच्च शिक्षा अध्ययनका लागि उनी पाटन सयुंत्तm क्याम्पसमा भर्ना भए । अर्थशास्त्रमा उनले प्लस टु र स्नातक सकाए । उनले स्नातक पनि दोस्रो श्रेणी मै पास गरेका हुन् । स्नातक सकाएपछि उनले स्नातकोत्तर अध्ययनको बारेमा पनि नसोचेका हैनन् । तर कलाकारितामा व्यस्त भएका कारण उनले अध्ययनलाई अघि बढाउन सकेनन् । तर उनले स्नातकोत्तर अध्ययनको लागि एम पि ए कलेजमा भर्ना भने गरेका थिए । शिवहरी राष्ट्रिय बाणिज्य बैंकबाट अवकास प्राप्त कर्मचारी हुन् ।

dhurmus3

सीताराम कट्टेल
सीताराम कट्टेल उर्फ धुर्मसले पनि स्नातकसम्मको अध्ययन गरेका छन् । झापामा जन्मे हुर्केका उनले झापाबाटै पहिलो श्रेणीमा एस एल सि पास गरे । एस एल सिमा उनले ६९ प्रतिशत अकं ल्याएका थिए । पछि उच्च शिक्षा अध्ययनको लागि कामाण्डौ छिरेका सीतारामले रत्नराज्यलक्ष्मी क्याम्पसमा पत्रकारिता र अंग्रेजी विषय पढ्न थाले । प्लस टु उनले दोस्रो श्रेणीमा पास गरे । सानै देखि पढाईमा अब्बल उनले स्नातक तहमा पुगेपछि भने पढाईलाई पूर्णबिराम लगाए । किनकी स्नातक तह तेस्रो वर्षमा पुग्दासम्म उनी हाँस्यकलाकारको रुपमा निकै व्यस्त भईसकेका थिए । यहि कारण उनी स्नातक तह तेस्रो वर्षमा पुगेपछि पढाईलाई पूर्णबिराम लगाउन बाध्य भए । स्नातकमा उनले राजनीति शास्त्र पढेका थिए ।

kunjana ghimire suntali (5)
कुञ्जना घिमीरे
सितारामको जस्तै कुञ्जनाको अध्ययन पनि स्नातक तेस्रो बर्षमा पुगेपछि सकियो । ललितपुरबाट प्रथम श्रेणीमा एस एल सि उर्तिण गरेकी कुन्जनाले पिके क्याम्पसबाट प्लस टु गरिन् । समाज शास्त्र , अंग्रेजी र नृत्य विषय लिएर अध्ययन गरेकी कुञ्जनाले स्नातक तहमा पुगेपछि भने समय दिन नसकेका कारण नृत्य विषय छाडिन् । स्नातकमा उनले समाजशास्त्र र अंग्रेजीलाई मात्र फोकस गरिन् । तर उनले त्यसलाई पनि राम्रोसँग समय दिन सकिनन् ।

Raja Rajendraa

राजा राजेन्द्र पोख्रेल
युवा हाँस्य व्यङग्यकार राजा राजेन्द्र पोख्रेल टेलिभिजन भन्दा पनि स्टेजमा जमेका कलाकारको सूचिमा पर्छन् । कमेडीमा अब्बल उनी पनि स्नातकोत्तर गर्ने कलाकार हुन् । झापाको भृकुटी माध्यामिक विद्यालयबाट २०५८ सालमा ७३ प्रतिशत अंकसहित पहिलो श्रेणीमा उनले एस एल सी पास गरेका हुन् । त्यसपछी उच्च शिक्षा अध्ययनका लागि काठमाण्डौ छिरेका उनले रत्न राज्यलक्ष्मी क्याम्पसबाट आफ्नो अध्ययन पूरा गरे । प्लस टुमा राजनीतिक शास्त्र, पत्रकारिता र अंग्रेजी विषय अध्ययन गरे तर स्नातक तहमा पुगेपछि भने पत्रकारिता छाडेर राजनीति शास्त्र र अंग्रेजी मात्रै अध्ययन गर्न थाले । उनले प्लस टु र स्नातक दोस्रो श्रेणीमा पास गरे । त्यस्तै अंग्रेजीमा स्नातकोत्तर गरेका उनले स्नातकोत्तरमा पनि दोस्रो श्रेणी नै ल्याए । हाल उनी पूर्ण रुपमा कलाकारितामा सक्रिय छन् ।

sandio

संदीप क्षेत्री
हाँस्य कलाकार संदीप क्षेत्री पनि अभिनयमा मात्रै नभयर अध्ययनमा पनि अब्बल छन् । संदिपले बाणिज्य संकायमा स्नातकोत्तर गरेका छन् । २०५५ सालको एस एल सि मा ७० प्रतीशत अंक ल्याएर पहिलो श्रेणीमा उर्तिण भएका उनले प्लस टु र स्नातक मात्रै हैन स्नातकोत्तरसम्मको अध्ययन बाणिज्य संकायमै गरे । उनले कलाकारिताका साथै अध्यापनको पेशालाई संगै अगाडि बढाएका छन् ।

Kumar

कुमार कट्टेल
युवा पुस्ताका प्रिय कलाकार कुमार कट्टेल उर्फ जिग्री अभिनयसँगै अध्ययनमा पनि अब्बल छन् । सम्भवत एस एल सिमा विशिष्ट श्रेणी ल्याउने उनी एक मात्र हाँस्यकलाकार होलान् । २०६० सालमा झापाको गौर दहबाट एस एल सि दिएका उनको ८५ प्रतिशत अंक आएको थियो । एस एल सि पछि उनी उच्च शिक्षा अध्ययनका लागि काठमाण्डौ आए र नयाँ बानेश्वरको कोलम्बस कलेजबाट साईन्समा प्लस टु गरे । प्लस टु मा उनले ६१ प्रतीशत अंक ल्याए । पछि उनले स्नातक तहमा विषय परिवर्तन गरेर मानविकी संकाय अध्ययन गर्न थाले । स्नातक अध्ययन गर्दासम्म उनमा कलाकारिताको भुत चढिसकेको थियो । यहि कारण उनले स्नातकमा सोचेजस्तो अंक ल्याउन सकेनन् । चावहिलको न्युटन कलेजबाट उनले स्नातक गरेका हुन् । यो बाहेक उनले लण्डनमा एक बर्षे स्क्रिप्ट लेखन र निर्देशनको कोर्स पनि गरेका छन् ।


below social share detail page adv two

gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

testतितो सत्यका बालकलाकार राज भारतमा के गर्दैछन् ?

Footer Fix Banner
Share
Share
Social Media Auto Publish Powered By : XYZScripts.com