AD_ Wide Top

उनलाई गरेको त्यो एकोहोरो प्रेम– प्रेम गीत-२ निर्माता सन्तोष सेन

५ असार,२०७४  |   Forsee Network

below social share detail page adv

loading...
उनलाई गरेको त्यो एकोहोरो प्रेम– प्रेम गीत-२ निर्माता सन्तोष सेन

निर्माता सन्तोष सेन नेपाली सिनेमामा दिल खोलेर लगानी गर्ने थोरै निर्माताहरु मध्येका एक नम्बरमा पर्छन् । चंखे पंखे शंखे, प्रेमगीत र प्रेमगीत २ सम्म आइपुग्दा उनले करोडौं रुँपैया लगानी गरिसकेका छन् । उनले निर्माण गरेको प्रेमगीत २ यही साउन १३ गते प्रदर्शनको तयारीमा छ भने त्यस लगत्तै लगभग ६ करोड रुँपैयाको दीपेन्द्र सरकार निर्माण गर्ने घोषणा समेत गरेका छन् । यो अहिले सम्मको नेपाली सिनेमाको सबै भन्दा धेरै बजेटमा बन्न लागेको सिनेमा पनि हो । नेपाली सिनेमाको बजेट बढ्नुपर्छ र उत्कृष्ट सिनेमाको लागि खर्च गर्न लोभ गर्नुहुन्न भन्ने सोच बोकेका सेनसँग काम गर्न जो कोहि कलाकार लालयित हुन्छन् । एउटा सिनेमामा करोड रुपैया भन्दा कम बजेट नहाल्ने यी निर्माता खासमा को हो भन्ने कुरा भने कमैलाई थाहा होला । आज हामीले निर्माता सन्तोष सेनका बारेमा केही रमाइला र व्यक्तिगत कुराहरु प्रस्तुत गर्दैछौँ ।

16729194_1244903842260310_3628804982661986265_nआर्मीबाट भागेर ब्रुनाई राजकुमारीको दरबारसम्मको यात्रा
सन्तोष सेनको जन्म वि सं २०४२ मा स्याङ्जा बाहाकोटको गंैडाकोटमा भएको हो । सेनको एक दिदी, एक जना बहिनी र एउटा भाइ छन् । उनले गाउँमै एस.एल.सी पास गरेका थिए । उनका बुवा खासमा सेनामा हुनु र त्यस समयमा ठल्ठूला बाकस बोकेर गाउँ फर्केका लाहुरेको सान देखेर घरपरिवारबाट उनलाई लाहुरे बन्न दवाब परेको थियो । बुवाआमाको कर र आफूलाई पनि साँच्चिकै लाहुरे बन्नु पर्छ भन्ने सोचका कारण उनी इन्डियन लाहुरे बनेका थिए । भारतको सिलोङ मेघालयमा फिप्टी एट गोर्खामा १० महिनाको तालिम लिएर केही समय लाहुरे बने । तर त्यहाँको कडा अनुसासन र सैनीकी जीवन उनलाई मन परेन । उनी भन्छन्, म खुलेर काम गर्न चाहने भएर होला मलाई त्यो काम मन परेन । त्यसपछि मैले छोडेँ । उनी अगाडि थप्छन्, “आर्मीमा जति पसिना बगाए पनि आउँने भनेको त्यही १०,००० हो मासिक तलब । १६–१७ वर्ष सम्म जागिर गर्यो पछि पेनसन आउँछ अनि जिन्दगी सकियो । त्यसको लागि म किन मेहेनत गर्नु?” आर्मी छोडेपछि सन्तोष सेन केही समय पछि सिङ्गापुर काम गर्नका लागि पुगे । सिङ्गापुर गएर धेरै मेहेनत गरे । उनी गाउँका एक जना दाजुको सहयोगमा पर्यटक भिषा लिएर सिंगापुर पुगेका थिए । त्यहाँ पुगेर रेष्टूरेन्टमा केही समय काम गरे । पछि उनले भिषाको मिति सकेर पनि गैरकानुनी रुपमा बसेर काम गर्न थाले ।
काम गर्ने सिलसिलामै सेनका एक जना दाईले उनलाई ब्रुनाई लगे । त्यहाँ उनका दाई राजकुमारीको प्यालेसमा काम गर्दथे । ब्रुनाईकोे राजकुमारी सिङ्गापुरमा किनमेल गर्न आउने क्रममा सन्तोष सेनलाई मेहनति र साझो देखेर ब्रुनाई बोलाएका थिए । राजकुमारीसँग भटेपछि उनले दरबारमा बसेर लगभग ९ वर्ष सम्म काम गरे । उनी राजकुमारीको सवारी चलाउथे । उनको काम गर्ने शैली र बफादारीको कारण ब्रुनाईको राजकुमारीले सेनलाई असाध्यै माया गथिर्न । उनी अझै पनि सम्झन्छन्, त्यहाँकोे माया र ममता म अझै पनि सम्झन्छु ।

13343040_1023851421032221_419158560543962326_nआफ्नो पसलको सामान चोरेर साथीलाई
खासमा सान्तोष सेन विद्यालयमा नपढ्ने विद्यार्थीमा पर्छन् । उनी भन्छन् मैले जीवनमा कहिले पनि पुरै क्लास बसिन होला । घरबाट विद्यालय जान निस्केको म प्राय भाग्थेँ । तर सेनलाई अहिले भने किन पढिन् जस्तो लाग्छ । पारिवारिक स्थिति राम्रो नभएको कारणले पढाईमा निन्तरता दिन नपाएको उनको भनाइ छ । उनी सोझा निर्मातामा पनि गनिन्छ । आफ्नो कुरा सिधा र प्रष्ट राख्ने सेन खासमा दयालु पनि त्यतिकै छन् । उनी सानै देखि आफ्नो साथीहरुको लागि धेरै सहयोग गर्ने गर्थे । बाल्यकाल सम्झदै सेन भन्छन्, म साथी बनाउनको लागि पसलबाट सामान निकालेर सबैलाई बाँड्थें । यो कुरा थाहा पाएपछि बुबाको धेरै कुटाई खाएको छु । बुबा निकै कडा हुनुहुन्थ्यो ।

कक्षा ५ मा एकोहोरो प्रेम, १६ वर्षमा विवाह
हाम्रो पालामा पत्र मित्र भन्ने रेडियो कार्यक्रम असाध्यै चर्चित थियो । त्यसमा लव लेटर पठाएर रमाइलो गर्ने उनको बानी थियो । उनी भन्छन्, तर आफूलाई मन परेको केटीलाई अगाडिबाट कहिले प्रेम प्रस्ताव राख्न सकिन । कक्षा ५ मा पढ्दा एकोहोरो प्रेममा परेको थिएँ । विद्यालयमा प्रार्थानाको लाइन लाग्दा सिधा उभिएर उसलाई हेरेर बस्थेँ । उसलाई भने मेरो केही वास्ता थिएन । तर, मैले उनलाई पछि सम्म मन पराइरहें । सान्तोष सेनले १६ वर्षकै उमेरमा विवाह गरेका हुन् । उनको दुई वटा छोरा छन । उनी भन्छन, मलाई कान्छो छोरो जन्मदाँ छोरी जन्मिदिए हुन्थ्यो भन्ने लागेको थियो । जेठो छोरो थियो । अब कान्छी छोरी भएको भए कति राम्रो हुन्थ्यो । छोरो त खासमा काम नलाग्ने हुन्छ क्या । माया भने छोरीले ज्यादा गर्छ । निर्माता सेन आफ्नो विवाह र प्रेमको बारेमा अगाडि यसरी भन्छन् ‘म पोखरामा आर्मीमा हुँदा खेरी लास्ट लास्टमा पुगेपछि फ्ँयाकिएको थिएँ । मेरो बुबा आमा रितिरिवाज मान्ने भएको कारण उहाँहरुले छोराको भाग्यले नदिएको हो । विवाह पछि बुहारीको भाग्य ग्रहले भाग्यले लाहुरे हुन सक्छ भन्ने सोचेर विवाहको लागि केटी खोज्न हिंड्नुभयो । उनको माईत तनहुँ हो । म अल्लारे भएँ भनेर उनको परिवारले केटी नदिने भने । हामीले भने एक अर्कालाई मन पराएका थियौँ ।’
रमाइलो मान्दै सेन अगाडि थप्छन्, म भने उनलार्ई पटाउन पछि लागेर पधेँरा सम्म पानी थाप्न जान्थेँ । त्यस्तै हुँदाहुँदैँ मैले उनलाई पटाए । पछि उसले आफ्नो बुबालाई यो केटा सँग विवाह गर्दिएनन् भने कोही सँग विवाह गर्दिन भनिन । त्यसको दुई तीनपछि परिवारको कुराकानी भएपछि हाम्रो विवाह भयो । (लामो हाँसो)

18700280_1348907801859913_7780977708915326444_nब्रुनाईको दरबारमा देखेको कुरा
ब्रुनाई बसाइको आफ्नो अनुभव यसरी बताउँछन् सेन, ब्रुनाईको राजखलकमा काम गर्र्दा निकै डर लाग्थ्यो । राजकुमारी सँगको निकट समबन्धको कारणले मलाई त्यहाँ केही आपत परेन । कसैले काम बिगार्यो भने पोष्टबाट झारदिहाल्थे । त्यहाँ काम गर्ने नेपालीहरु धेरै हुन्छन् । राजकुमारी पोलो खेल्न जादाँ त्यहाँको गार्डहरुले उनको अगाडी आधी घण्टा सम्म टाउको निहुराएर बस्छन् । काम गरेको अनुुसार सुविधा भने पाईने तर काममा एकदमै जोखिम हुन्छ । त्यहाँको दरबारमा सबै कुरा भोगेपछि र यहाँको सबै घटना सुनेपछि मलाई दिपेन्द्र सरकार बनाउन मन लागेको हो ।
सेनका अनुसार, दुवै राजकुमारको कुरा मिल्छ । उनी थप्छन्, दुबै ठाँउकोे राजकुमारका कुराहरु मिल्छ । राजा दिपेन्द्रले पनि आनन्दले सुतिराखेको समय बिरालो करायो भने त्यसलाई तड्पाई तड्पाई मार्ने खाल्को घटना मैले त्यहाँ पनि देखेको थिएँ । नेपाली गार्डहरुलाई त्यहाँको राजकुमारले निकै तड्पाउँछ । समुन्द्रको किनार टाउको मात्र देखाएर गाडेर राख्ने त्यसपछि हस्पिटल लैजाने । पछि भने भएभरको पैसा दिएर खुशी बनाईदिन्थे । उनीहरुलाई अरु छटपटिएको हेर्न एकदमै मन लाग्थ्यो । दिपेन्द्र सरकारको किताब पढ्दा मैले यही कुरा नेपालमा पनि पाएँ । यहाँ र त्यहाँको राजघरानाको कुरा उस्तै छ । दिपेन्द्र सरकारको कथा आम जनताले जान्न चाहन्छन् । यो सिनेमा बनाउने भनेपछि धेरै जनासँग सिनेमाको पृष्ठभूमी बुझाउन मिटिङ्ग बस्नुपर्यो । दिपेन्द्र सरकारको लव स्टोरी के हो र प्रेमले मानिसलाई कहाँ सम्म लैजान्छ त भन्ने बारेमा हामीले सिनेमा बनाउँदैछांै । यो सिनेमा बनाएर हामीले कसैलाई नकारात्मक रुपमा प्रस्तुत गर्ने खोजेको छैनौँ ।


gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

test‘मह’सँग जोडिए टंक बुढाथोकी

Footer Fix Banner
Share
Share
Social Media Auto Publish Powered By : XYZScripts.com