AD_ Wide Top

काललाई जितेका छायाँकार जो पटक पटक मरेर बाँचे-पुरुषोत्तम प्रधान


below social share detail page adv

loading...
काललाई जितेका छायाँकार जो पटक पटक मरेर बाँचे-पुरुषोत्तम प्रधान

सिनेमा ‘लुट’मा सिनेम्याटोग्राफीका कारण चर्चामा आएको नाम हो पुरुषोत्तम प्रधान । अधिक व्यापार गरेर लुटले रेर्कड राख्न सफल भएको थियो । पुरुषोत्तम प्रधान कामले सिने क्षेत्रमा धेरैले प्रिय नाम हो तर, आम दर्शकले भने कमै मात्रामा चिन्छन् । कारण उनी पर्दामा होइन पर्दापछाडिका हिरो हुन् । उनले लुट, लुट २, छक्का पन्जा, ड्रिम्स, प्रेमगीत २ लगायत सिनेमामा उत्कृष्ट सिनेम्याटोग्राफीको कला देखाइ सकेका छन् । हाल उनी “कृ” को छायाकंनमा व्यस्त छन् । नेपालमा सय भन्दा धेरै सिनेम्याटोग्राफरहरु छन् । तर, त्यस मध्येमा पनि पुरुषोत्तम प्रधानको व्यस्तता अरुको तुलनामा अधिक छ । उनी काम प्रतिको लागावले गर्दा नै नेपालका नम्बर एक सिनेम्याटोग्राफर बन्न सफल भएका छन् । काठमाण्डौको असनमा जन्मेका पुरुषोत्तम प्रधानको व्यक्तिगत जीवन भने एउटा सिनेमा भन्दा कम छैन । उनी जम्मा जम्मी ५ वर्षको हुदाँ आफ्ना पीतालाई गुमाएका थिए । बाल्यकालमा बुवाको माया अनि हेरचाह नपाएका प्रधानले जीवनमा धेरै हण्डर र ठक्कर खाएका छन् । झण्डै १५ वर्ष प्रेम गरेर विवाह गरेका प्रधानले विवाह गरेको १ वर्षमै आफ्नी जीवनसंगीनी पनि गुमाए । एक महिना नपुगेकी दुधे छोरी उनकै काखमा छोडेर जीवनसंगीनी यो संसारबाट जानु उनको जीवनको कालो दिन थियो । तर परिवारका असाध्यै प्रिय व्यक्तिलाई गुमाएका प्रधानले आफूलाई कहिल्यै पनि विचलित गराएनन । पर्दा पछाडिका हिरो सिनेम्याटोग्राफर अर्थात छायांकार पुरुषोत्तम प्रधानको आज जन्मदिन पनि परेको छ । यहि अवसर पारेर उनका बारेमा भएको केही रोचक कुराकानीमा अधारित केही जानकारी राख्दैछौँ ।

उनी भन्छन्, “नेपालमा धेरै सिनेम्याटोग्राफर भए पनि त्यसमध्य ४–५ जना चाहि धेरै व्यस्त हुनुहुन्छ ।” उनलाई पहिले पर्दामा आउन निकै रहर लाग्थ्यो । तर, अहिले दर्शकले नामले भन्दा कामले चिनुन् भन्ने चाहना उनको रहेको छ । यसको बारेमा कुरा गर्दै उनी भन्छन्, “मलाई स्वयम भन्दा मेरो कामले चिनेको मन पर्छ । मलाई मेरो ज्यानको माया भन्दा पनि आमा, भाई र छोरीको माया धेरै लाग्छ । काम गर्दा मलाई धेरै पटक चोट पटक लागेको छ । तर कुनै पनि सिनेमामा, यो सट लिदा मेरो ज्यान जोखिममा पर्छ , म गर्दिन ! भन्ने महसुस मलाई कहिल्यै हुदैन ।”

15181213_923756611102543_923857632720454865_n

श्रीमतीको निधन पछि छोरीको हेरचाह आफै
विवाह गरेको १ वर्ष र छोरी जन्मेको एक महिना पनि नपुग्दै श्रीमतीको वियोग प्रधानले खेप्नु परेको छ । अहिले प्रधानकी छोरी २७ महिनाकी भईन् । आफ्नी छोरीको बारेमा बोल्दै प्रधान भन्छन्, ‘मेरो श्रीमतीको निधन पछि मैले उसको हुर्काई बढाई आफैले गरेको छु । ऊ राम्ररी बोल्छे र हिजोआज स्कुल पनि जान थालेकी छ । केही दिन अघि उसले मेरो मामु कहाँ हुनुहुन्छ ? भनेर सोध्दै थिई । त्यस्तो बेलामा मलाई सारै नरमाईलो लाग्ने गर्छ । सायद यो उसको आफ्ना नजिकका मान्छेहरुलाई सम्झने समय होला ।’
छोरीको विषयमा कुरा गर्दै प्रधान अगाडि थप्छन्, ‘ऊ सँग हँुदाको समय मलाई निकै रमाईलो लाग्छ । मेरो अनुहार मात्र नभएर उसको र मेरो बानी व्यवहार पनि उस्तै छ । आमाले मलाई ऊ ठ्याकै तँ जस्तो छे भन्नुहुन्छ । ऊ सँग भएको बेलामा मेरो समय कसरी बित्छ भन्ने कुरा मलाई थाहा नै हुँदैन ।

म मेरो श्रीमतीलाई कुनै क्षणमा त सम्झिरहन्छु । मेरो जीवनमा जे भयो त्यो सबै लेखान्त हो । सेक्सपेयरको फिलोसोपी  “जीवन एउटा ड्रामा र संसार एउटा स्टेज हो” भन्ने कुरा मलाई एकदमै सहि लाग्छ । त्यो कुरालाई न्याय दिनपर्छ भन्ने सिद्धान्तमा म हिड्छु । उसलाई सम्झेर बसेँ भने म डिप्रेसनमा जान्छु । मैले नेपाली सिनेमालाई उठाउनुपर्छ भन्ने जोस र परिवार प्रतिको कर्तव्य लिई अगाडि बढी रहेको छु । त्यही कारण म मा उसलाई मात्र सम्झेर समय खेर फाल्नु भन्दा केही राम्रो काम गर्नुपर्छ भन्ने सोच आइरहन्छ ।’

10354223_777895739021965_1581360282060770068_n

काम गर्दा तीन पटक भगवानले गर्दा बाचे
वास्तबमा छायांकारको काम जोखिमपूर्ण काम मध्येको एउटा काम हो । किनकी सिनेमाको लागि आवश्यक सटको लागि अफ्ठ्यारो र खतरनाक स्थानमा पुगेर खिच्नु पर्ने हुन्छ । थोरै सावधानी र सुरक्षाको उपाय अपनाइएन भने ठूलो दुर्घटना पनि हुन सक्छ । कयौँ चोटी मरेर बाँचेका पुरुषोत्तम प्रधानका दुर्घटनाका कथा धेरै छन् ।
स्वर्गीय श्रीकृष्ण श्रेष्ठको सिनेमा ‘गोरखाली’मा सहयोगी छायाँकार भएर काम गर्दा भएको दुर्घटना प्रधान सम्झन्छ । उनी भन्छन्, ‘पानी सिमसिम परेर रोकिएको क्रममा गार्डेन लाईटमा काम भईराखेको थियो । पानी परेर फिल्मको लाईट निकाल्यौँ । एकछिनमा लाईटलाई फेरि मिलाउने क्रममा मल्टि २० भन्ने लाईटले एकदमै नराम्रोसग झट्का हान्यो । त्यो बेलामा म झण्डै मरेको । म मर्नुपर्न मान्छे हो त्यही बेला तर सबिन भन्ने साथीले स्विच अफ गरेर बचाएको हो । त्यो मेरो पुर्नजन्म हो ।


पुराना कुरा सम्झदै उनी अगाडि थप्छन्, ‘त्यसपछि ‘वीर गणेशमान’ भन्ने सिनेमाको क्रममा पनि दुर्घटनामा भएको थियो । एन.एफ.डि. सीको पूरानो क्रेन थियो । भिमशरण सर र मन्जु कुमार श्रेष्ठ चाहि सिनेम्याटोग्राफर डि.ओ.पी हुनुहुन्थ्यो । त्यो बेलामा पशुपतीको हाईटमा बसेर मैले फे्रमिङ्ग गर्दै थिएँ । म बसेको क्रेन बाङ्गगिएर भाँचियो । त्यहाँबाट खसेर पनि बाचेँ ।
अर्को एउटा चाहि ‘बटालिएन ५’ सिनेमा जुन अहिले सम्म बनेको छैन त्यो रामराज्य जी ले निर्देशन गरेको सिनेमा थियो । यो ‘लुट’ पछिको कुरा हो । त्यो सिनेमाको लोकेशन हेर्न जाँदा किया कार नाग ढुङ्गामा दुर्घटना भएर खोलातिर वालमा ठोकिएर मेरो निधारमा घाउ भएको थियो । त्यसको दाग अझै छ । मेरो निधारमा ५–७ वटा गहिरो टाका पनि लागेको छ । सिनेमाको क्रममा भएको दुर्घटनाहरु यीनै हुन ।’
घरमा सानी छोरी अनि बुढी आमाको सम्झना र उनीहरुको लागि भए पनि बाच्नु पर्ने पुरुषोत्तम भने खतरनाक दृश्य खिच्न जस्तोसुकै जोखीम मोलेर अगाडि तम्सिन्छन् । जीवनको माया लाग्दैन ? भन्ने प्रश्नमा उनी भन्छन्, ‘मन देखि केही कुरा आँटेर अघि बढ्यौ भने जिन्दगीमा केही नराम्रो हुँदैन । मैले के काम गर्दा राम्रो हुन्छ ? के गर्दा नराम्रो हुन्छ ? भन्ने कुरा म आफै सोच्छु ।


gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

test‘मह’सँग जोडिए टंक बुढाथोकी

Footer Fix Banner
Share
Share
Social Media Auto Publish Powered By : XYZScripts.com