AD_ Wide Top

पप गायक अनिल सिंहले किन आत्महत्या गर्छु भने ?


below social share detail page adv

loading...
पप गायक अनिल सिंहले किन आत्महत्या गर्छु भने ?

‘प्रेम पत्र’, ‘इन्जिन गाडीमा’, ‘घिनी घिनी’, ‘आइ लभ यु’, ‘सक्छौं भने’, ‘प्रेमिका’ र ‘विल यु म्यारी मि’ जस्ता दर्जनौ हिट गीत बाट एक ताका चर्चाको शिखरमा रहेका गायक अनिल सिंह पछिल्लो समय चर्चा बिमुख जस्तै थिए । तर अगष्ट ६ तारिखमा उनले गरेको एउटा पोष्टले उनि फेरी चर्चामा ल्याएको छ । उनले आत्महत्या गर्ने सोच !!!!!!! शिर्षकमा लामो पोष्ट गर्दै प्रतिलिपी अधिकार र रोयल्टीको बिषय उठान गरेका छन । उनले मलाई मेरो हक चाहियो । मर्नु अघी देउन हजुर ! भनेर सार्बजनिक अपिल गरेका छन । अनिलले आफूले लगानी गरेको आफना सृजनामा समेत आफनो अधिकार नभएको गुनासो गरेका छन । इन्द्रेणी क्यासेट सेन्टर, म्युजिक डटकम, सम्झना अडियो भिडियो र रियाज म्युजिकसँग पाँच वर्षे सम्झौता समाप्त भइसकेपछि सबै गीतमा आफ्नो अधिकार हुनेपर्ने तर्क उनको छ ।

म्युजिक कम्पनीहरुले युट्युबमा प्रतिलिपि अधिकार दाबी गरेपछि उनको च्यानललाई युट्युबले निलम्बन गरेको उल्लेख गरेका छन । अनिलले यो बिषयमा सामजिक सञ्जालमा गुनासो र समस्या ब्यक्त गरेपनि यो समाचार समाचार तयार पार्दा सम्म उनले सम्बन्धित संस्थाहरु प्रतिलीपी अधिकार रजिष्ट्रारको कार्यालय, संगीत रोयल्टी संकलन समाज नेपाल, प्रस्तोता समाज नेपाल , उत्पादक समाज नेपाल, संगीतकार संघ नेपाल ,गीतकार संघ नेपाल जस्ता संघ संस्था संग आधिकारिक परामर्ष भने गरेका छैनन । अनिलले संगीत रोयल्टी संकलन समाजक नेपाल र प्रस्तोता समाज नेपालको सदस्यता लिएको रेकर्ड पनि भेटिएन । तर रेडियो नेपाल र टेलिकम बाट प्राप्त रोयल्टीमा उनका केहि गीतहरुको हिस्सा भेटिएकोछ । यसै बिषयमा संगीत रोयल्टी संकलन समाज नेपालका अध्यक्ष सुरेश अधिकारीसंग प्रतिकृया माग्दा उनले समाजको कार्यक्षेत्र भित्र परेका र समाजको कार्यालयमा सम्पर्क गरी लेखापढि भै आएका बिषयमा बाहेक सामजिक सञ्जाल , सञ्चार माध्यममा प्रकाशित बिषय वा अन्यकुनै माध्यम बाट चर्चा चलाइएका बिषयमा समाजको सरोकार नरहने बताए । त्यसैगरी प्रस्तोता समाज नेपालका उपाध्यक्ष शिव हमालले पहिले त अनिले सदस्य बन्नु पर्ने र रोयल्टी संकलनका लागि बिवरण दिनु पर्ने सुझाव दिए ।

त्यसपछि उनका गीतबाट संकलन भएको रोयल्टी उनलाई प्राप्त हुने बताए । प्रस्तोता समाजले अहिले वितरण गरिरहेको रोयल्टी कलर रिङ ब्याक टोन को मात्र रोयल्टी भएको र यो क्षेत्रको रोयल्टीमा अनिल सिंहको गीतको रोयल्टी नदेखिएको स्पष्ट पारे । त्यसैगरी संगीतकार संघका अध्यक्ष लक्ष्मण शेषले हरेक सर्जकको आर्थिक तथा नैतिक अधिकार सुरक्षीत हुनै पर्ने र सर्जक पहिले सचेत हुनुपर्ने भन्दै यसका लागि सरोकारवाला अधिकार प्राप्त संघ संस्थासंग परामर्ष र बिधागत संस्थासंग आबद्ध हुन सुझाव दिए । शेषले सामाजिक सञ्जालमा गुनासो गरेर मुद्धा त उठने तर समाधान नहुन भएकाले समाधान खोज्न तर्फ लाग्न सुझाव दिए ।

नेपालको कानुनले आत्महत्याको स्विकृति दिएको छैन । यसरी आत्महत्या गर्ने सोंच बनाएको सार्बजनिक गर्न नमिल्ने केन्द्रिय अनुसन्धान ब्युरोले जनाएको छ । त्यसैगरी अपराध महाशाखाले यस्तो बिषयमा अनिलका आफन्तले उजुरि दिएमा समस्याको कानुनि निराकरणको बाटो निस्कने सुझाव दिएको छ । अनिलले भने आफूले मर्नका लागि नभै सिम्बोलिक कुरा ब्यक्त गरेको प्रतिकृया दिएका छन । उनले अझै पनि कलाकारहरु चुप चाप बस्ने हो भने यो देशमा आत्महत्या गर्ने कलाकारको सख्या धेरै नै पुग्ने जिकिर गरेका छन ।
यस्तो लेखेका छन अनिलले फेसवुकमा

आत्महत्या गर्ने सोच !!!!!!!
एक चोटी मेरो आवाज सुनिदेउ
देशमा हजारौको सख्यामा एफएमहरु छन ।सयौको सख्यामा टेलिभिजनहरु पनि रहेका छन । आजको दिन सम्म एक सुका , एक ठेली पनि रोयल्टी पाएको छैन ।
एउटा ठुलो आश यु टुयुवमा आफ्नै गीत राखेर कमाउने अवसर पाएको त्यो पनि केश गरेर च्यानल बन्द गर्ने रे । च्यानल सस्पेन्स । म यो जानकारी गराउन चाहान्छु कि मेरो स्वर , मेरो संगीत , मेरो शब्द रहेको मेरो गीत । मैले खर्च गरेर होस या कम्पनीले बनाएको भिडियो ,अडियो इन्द्रेणी क्यासेट सेन्टर, म्युजिक डटकम, सम्झना अडियो भिडियो र रियाज म्युजिकसँग मात्र ५ बर्षको सम्झौता गरेको छु र त्यस पछी सबै मेरो अधिकार रहन्छ ।
त्यसैले यु टुयुवमा राख्न पाउने मेरो हक र अधिकार हो । बहुमुल्य मधुर सम्झना एल्बमको एक पैसा नि पाछैन उल्टै सबै मैले खर्च गरेको । भिडियो सबै मेरो हक हो, सम्झना बाहेक ्र लौ न हो !!
प्लिज प्लिज यो यु टुयुवको राम्रो जानकारी भएको व्यक्तिको आवश्यता परेको छ । कहिले सम्म यो अन्याय अत्याचार सहनु पर्ने । ज्यानै पो त जाने भो हजुर । मलाई मेरो हक चाहियो । मर्नु अघी देउन हजुर ! एफएम, टेलिभिजनको रोयल्टिले बिहानको छाक र टुयुवले बेलुकीको एक छाक खान पाउ । मात्र यही छ ईच्छा । अझै पनि कलाकारहरु चुप चाप बस्ने हो भने यो देशमा आत्महत्या गर्ने कलाकारको सख्या धेरै नै पुग्छ । यो मेरो लागि मात्र होईन सबै कलाकारको भलाईको लागि । सायद यो पुरानो कलाकार सबैले झेली रहेको प्रोव्लम हुनुपर्छ । यो पहल दर्शक , श्रोताबाट, हजुरहरुको आवाजबाट हुन्छ्र एफएम टेलिभिजनलाई फोन गरेर सोध्नुस ! तपाईंले फर्माइस गर्नु भएको गीतले , तपाईंको प्यारो कलाकारले रोयल्टी पायो कि पाएन । दर्शक , श्रोता हजुरहरुले बोल्दे पुग्छ । हजुरहरुले हेर्दे पुग्छ । सेभ मि यु सेभ अस , सेभ नेपाली म्यूजिक ।

anil singh


gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

test‘मह’सँग जोडिए टंक बुढाथोकी

Footer Fix Banner
Share
Share
Social Media Auto Publish Powered By : XYZScripts.com