AD_ Wide Top

बिज्ञापनमा वास्तविक जोडी

२९ साउन,२०७४  |   Gufgaf.com

below social share detail page adv

loading...
बिज्ञापनमा वास्तविक जोडी

सिनेमा र सिरियलमा सुहाएका र दर्शकले मन पराएका जोडीहरुको माग बिज्ञापनमा पनि अत्यधिक हुने गरेको छ । यसको ज्वलन्त उदाहरण हो दीपक राज गिरी र दीपाश्री निरौलाको जोडी । यी दुईले सिरियल ‘तीतो सत्य’मा काम गरेपछि विभिन्न ब्राण्डका बिज्ञापनमा काम गर्ने अवसर पाए । दशक अघि देखि शुरु भएको यो क्रम अहिले पनि उस्तै छ । अहिले पनि नेपालमा चलेका विभिन्न ब्राण्डहरुको प्रमोशनको लािग बनाईएका बिज्ञापनमा उनीहरुको जोडी देखिन्छ । सिरियल र विभिन्न बिज्ञापनमा श्रीमान श्रीमतीको भूमिकामा देखिए पछि धेरैलाई उनीहरु वास्तविक श्रीमान श्रीमती हुन् भन्ने पनि भयो । तर वास्तविकता भने दीपक र दीपा श्रीमान् श्रीमती नभयर एकअर्काबीना अधुरो रहने साथी हुन् । यी दुईको सहकार्य साँच्चै नै लोभ लाग्दो छ । तर केही ब्राण्डहरुको लागि वास्तविक जोडीको पनि माग भएको पाईन्छ । नेपालमा चलेका केही कलाकारका जोडीले विभिन ब्राण्डका विज्ञापनहरुमा काम गरेका छन् । आज हामीले त्यस बारेमा एक सामाग्री तयार पारेका छौँ ।

राजेश हमाल र मधु भट्टराईrajesh-madhu
अभिनेता राजेश हमालकी श्रीमती मधु भट्टराईलाई अभिनयमा खासै रहर लाग्दैन । उनी यसमा आफ्नो रुचि नभएको बताउँछिन् । तर उनले श्रीमान राजेश हमालसँग एउटा बिज्ञापनमा अभिनय गरेकी छिन् । राजेश र मधुले घरेलु प्रयोजनको बिज्ञापनमा पर्दा बाँडेका छन् । युनि लिभर नेपालले उत्पादन गरेको ह्विल ओके साबुनको बिज्ञापनमा यो जोडी एक साथ देखिएको हो । मधुले यहि बिज्ञापन मार्फत कुनै उत्पादनको बिज्ञापनमा पहिलो पटक काम गरेकी हुन् । मधुले अभिनयमा रुचि नहुँदा नहुँदै पनि आफू जस्तै गृहणीले प्रयोग गर्ने वस्तु भएकाले ह्विल ओके साबुनको बिज्ञापनमा काम गरेको बताएकी थिईन् । राजेश हमाल भने सिनेमासँगै बिज्ञापनका पनि महानायक हुन् । उनले नेपा टप, हिमाल स्टिल, रियल जुस, सेयर एण्ड ईन्भेस्टमेन्ट, च्यवनप्रास लगायतका बिज्ञापनहरुमा काम गरेका छन् ।

जितु नेपाल र मुना राउत नेपाल

jituनेपाली हाँस्यवयङग्य क्षेत्रमा राम्रो विषयवस्तु छनौट गरेर कमेडि प्रस्तुतिहरु प्रस्तुत गर्ने कलाकारमा पर्छन् जितु । हाँस्यव्यङग्यमा सफल जितुकी श्रीमती मुना राउत नेपाल काठमाण्डौ महानगरपालिकाकी कर्मचारी हुन् । घर र अफिस सम्हालेर अघि बढेकी मुनाले श्रीमान जितुसँग केही बिज्ञापनहरुमा काम गरेकी छिन् । जितु र मुनाले हलेसी डेकोर, अल्पाईन मीट र सोना चामलको बिज्ञापनमा काम गरेका छन् । पछिल्लो समय सिरियल जिरे खुर्सानी बन्द भएपछि जितु स्टेज कार्यक्रम र सिनेमाको काममा व्यस्त छन् । यतिबेला उनी सिनेमा ‘छक्का पञ्जा २’ को प्रमोशनमा छन् भने केही दिनमै उनी अमेरिकामा सम्पन्न हुन लागेको नेपाली ग्लोबल अवार्डको लागि अमेरिका उड्दैछन् ।

सीताराम कट्टेल र कुञ्जना घिमिरे

1483931654dhurmus-suntaliसिरियल ‘मेरी बास्सै’बाट चर्चामा आएको जोडी हो सीताराम कट्टेल उर्फ धुर्मुस र कुञ्जना घिमिरे उर्फ सुन्तलीको । पछिल्लो समय कलाकारितासँगै सामाजिक कामका कारण चर्चामा आएको यो जोडीको माग विभिन्न ब्राण्डको बिज्ञापनका लागि भईरहेको छ । कलाकारिता र सामाजिक कामका कारण पाएको लोकप्रियताले नै यो जोडी बिज्ञापनमा पनि छाईरहेको हो । यी दुईले रन सुज, सामे ट्रयाक्टर, पोशाक पेलेट दाना, बैंक अफ काठमाण्डु, सीटी एक्सप्रेस मनी ट्रान्सफर, युनाईटेड ईन्स्युरेन्स (बीमा कम्पनी)सँगै मोबाईल र घरायसी बिद्युतिय सामाग्रीका विभिन्न ब्राण्डमा काम गरेका छन् । २०७२ सालको भुकम्प पछि घरबार बिहिन भएकाहरुलाई काभ्रेको पहरे बस्ती, सिन्धुपाल्चोकको गिरान्चौरमा एकिकृत नमुना बस्ती, बर्दिबासको मुसहर बस्ती निर्माण र हस्तान्तरण गरेपछि धुर्मुस सुन्तली यतिबेला नमुना नेपाल बनाउने तयारीमा जुटेका छन् ।

केदार घिमिरे र सीता घिमिरेKedar_Ghimire
हाँस्य कलाकार केदार घिमिरे उर्फ माग्ने बुढा र उनकी श्रीमती सीता घिमिरेले पनि एक बिज्ञापनमा पर्दा बाँडेका छन् । नयाँ वर्ष पार्कमा रहेको कान्तिपूर मलको बिज्ञापनमा केदार र सीताले एक साथ काम गर्ने मौका पाएका हुन् । पछिल्लो समयमा केदारसँगै सीता पनि कलाकारितामा सक्रिय भएकी छिन् । मेरी बास्सैमा माग्ने बुढाको दोस्रो श्रीमती भएर अभिनय गरेकी सीता यतिबेला माग्ने बुढाकै सिरियल ‘खासखुस’मा सीताको भूमिकामा छिन् । यस सिरियलबाट उनको ‘ए उल्का अचम्म’ भन्ने थेगो चर्चित भएको छ । त्यस्तै सीता विभिन्न ठाउँमा आयोजना भएका स्टेज शोहरुमा पनि हिड्न थालेकी छिन् । गत वर्ष डिप्रेशनमा गएका केदार अहिले भने पूर्ण रुपमा ठीक भएर सिनेमा ‘छकका पञ्जा २’ को प्रमोशनमा जुटेका छन् ।

                                                                              

      उषा खड्गी र जि पि तिमिल्सीना

Usha-Khadgi-GP-Timilsina-2पूर्व मिस नेपाल उषा खड्गीले बिज्ञापन व्यवसायी जि पी तिमिल्सिनासँग विवाह गरिन् । जि पि बिज्ञापन व्यवसाय गर्नु अघि टेलिभिजन प्रस्तोताको रुपमा काम गर्थे । श्रीमान बिज्ञापन व्यवसायी भएकै कारण उषालाई टेलिभिजन कमर्र्सियल बिज्ञापनहरुको खाँचो कहिल्यै परेको छैन । मिस नेपाल भएपछि केही म्युजिक भिडियोहरुमा काम गरेकी उषाले सिनेमामा भने काम गरिनन् । उनी आफूलाई टेलिभिजन कमर्सियल बिज्ञापनहरुले नै सन्तुष्टि दिएको बताउँछिन् । बिज्ञापनमा काम गर्ने क्रममा उषाले धेरै जसो श्रीमान् जि पिसँगै काम गरेकी छिन् । यी दुईले डिस होम, सीताराम दुध, उत्तम तेल, एन सी सी ब्यांकको महिला बचत खाता लगायतका बिज्ञापनमा काम गरेका छन् । उषा र जि पिका एक छोरा र एक छोरी छन् ।


gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

test‘मह’सँग जोडिए टंक बुढाथोकी

Footer Fix Banner
Share
Share
Social Media Auto Publish Powered By : XYZScripts.com