Tuesday, 26 Oct
01:00:00

चलचित्र गोपीको ‘तेरो आफ्नो’

2019/01/02   gufgaf

गफगाफ -  रिलिज नजिकिँदै जाँदा गोपी फिल्मले आफ्नो प्रमोसनलाई तीब्रता दिएको छ । यही क्रममा फिल्मको दोस्रो गीत रिलिज गरिएको छ । ‘तेरो आफ्नो’ बोलको उक्त गीत शिव परियारले गाएका हुन् । विप्लव प्रतीकले रचेको गीतमा कल्याण सिंहले संगीत भरेका हुन् ।  आरोही इन्टरटेनमेन्ट प्रालिका लागि आरोही केसीले निर्माण तथा दीपेन्द्र लामाले निर्देशन गरेको फिल्म गोपी आगामी माघ १८ देखि चल्दैछ । यसअघि घामपानी निर्देशन गरेका दीपेन्द्रको यो दोस्रो फिल्म हो ।

फिल्ममा स्वावलम्बनको विषय भएको हुनाले तेरो आफ्नो गीतलाई फिल्मको ‘थिम सङ’का रुपमा प्रयोग गरिएको निर्देशक लामा बताउँछन् । निर्देशकबाट फिल्मको कथा सुनेपछि आफूले फिल्मको भाव सुहाउँदो गीत लेखेको गीतकार विप्लव सुनाउँछन् । दीप श्रेष्ठले गाएको सदाबहार गीत ‘हर रात ऐठन हुन्छ’का रचयता हुन् विप्लव । ‘फिल्ममा गीत लेख्ने अफर आइरहन्छन्, तर म हल्काफुल्का भन्दा पनि यस्तै अर्थपूर्ण गीत लेख्न रुचाउँछु,’ उनले भने ।

कल्याण सिंह पछिल्लो समय नेपाली फिल्मको संगीतमा चलेकै नाम हुन् । विप्लव प्रतीकको गीत शिव परियारका लागि कम्पोज गर्न पाउनु आफ्नो लागि सौभाग्य बनेको संगीतकार सिंह बताउँछन् । चलिरहेको भन्दा फरक शैलीको गीत आफूले कम्पोज गरेको उनी जनाउँछन् । डोरेमी स्टुडियोमा रेकर्ड भएको गीत गायक शिव परियारलाई तुरुन्तै मन परेको थियो । डमी गीत सुन्ने बित्तिकै उनी गाउनका लागि तयार भएका हुन् । ‘बजारमा भाइरल नहोला, तर यस्तो गीत रेकर्ड हुनु र फिल्ममा प्रयोग हुनु धेरै नै खुसीको कुरा हो,’ उनले भने ।

ओएसआरको युट्युब च्यानलबाट रिलिज भएको गीतमा गोपी फिल्मका मुख्य पात्र विपिन कार्कीले गाई फार्ममा परिश्रम गरिरहेका दृश्यले प्राथमिकता पाएको छ । गोपाल रसाइलीको एरेन्जमेन्टले पनि गीतको स्तर उठाउन मद्दत पुगेको छ । सामीप्यराज तिमल्सिनाको पटकथा, शैलेन्द्र डि कार्कीको छायांकन र निमेष श्रेष्ठको सम्पादन रहेको फिल्ममा विपिन कार्की, वर्षा राउत, सुरक्षा पन्त, अंकित खड्का, रमेश अधिकारी, प्रकाश घिमिरे, भोलाराज सापकोटा, सरोज अर्याल, कुन्ती सिमाली, हिउँबाला गौतमलगायतले मुख्य भूमिका निर्वाह गरेका छन् ।
विदेशमा बस्ने नेपालीहरुले फिल्म हेर्ने चाहना व्यक्त गरिरहेकाले ओभरसिज सेल्समा पनि ध्यान दिइरहेको कार्यकारी निर्माता श्रीधर पौडेल बताउँछन् ।

मनोरञ्जनसँग सम्बन्धीत समाचार , सुचना , जानकारी , फोटो , भिडियो वा अन्य प्रकाशन योग्य सामाग्रि र गतिविधी तपाईसँग छन् भने  9801081610 मा हामीलाई  भन्दिनुहोस् वा news.gufgaf@gmail.com मा पठाउनुस् । सँगै हिंड्दा दुवैलाई सजिलो । थप रमाईलोको लागि भिडियोको मज्जा लिनुहोस् ।


ताजा समाचार

कटरिनाको कार सूचिमा थपियो २ करोडको ‘रेन्ज रोभर’

बलिवु पुरा पढ्नुहोस

’ट्रिब्युट टु मेगास्टार राजेश हमाल’

गफगाफ - राजधानीमा एक कार्यक्रमको आयोजना गर्दै अभिनेता र पुरा पढ्नुहोस

राष्ट्रियता र दायित्वलाई प्रस्ट्याउने जानी नजानी —पम्फा भुषाल

गफगाफ - नेकपाकी महिला नेत्री पम्फा भुषालले फिल्म जानी नज पुरा पढ्नुहोस

भ्रष्टाचार बिरुद्धको चित्रकला प्रदर्शनी सम्पन्न

गफगाफ - भ्रष्टाचार बिरुद्ध जनचेतना र सुशासनका लागि ट्रान पुरा पढ्नुहोस

लभ स्टेशन नेपाल सँगै अष्ट्रेलियामा पनि

गफगाफ - अभिनेता प्रदीप खड्का र अभिनेत्री जसिता गुरुङ अभि पुरा पढ्नुहोस