> Gufgaf.com

रेडियो अडियो

एकै दिन विहे गरेका ५ सेलिब्रेटी जोडी

2019/02/07   Gufgaf

गायिका माण्डबी त्रिपाठी र संगीतकार विपिन आचार्य वैवाहिक बन्धनमा बाँधिएको  आज ९ वर्ष भएको छ । व्रिकम सम्वत २०६५ सालमा गीत रेकर्डिङको क्रममा उनीहरुले गुन्जन रेकर्डिङ स्टुडियोमा पहिलो पटक भेट्ने अवसर पाएका थिए । पहिलो भेट भएको दुई वर्ष पछि उनीहरुले एकअर्कालाई जीवनसाथी बनाएका हुन् । यी दुईको विवाह मागी विवाह हो ।  विवाह अगाडि नै एकअर्कालाई चिनेको भएपनि उनीहरुको अफेयर भने थिएन । एक अर्काको राम्रो साथी थिए । 
राम्रो साथी बनिसकेका उनीहरुको २०६७ साल मंसिर २९ मा उनीहरुको विवाह हुने निर्णय भयो । त्यसको डेढ महिना पछि माघ २४ गते उनीहरुको लगनगाँठो कसिएका हो । विवाहको ९ वर्ष लाग्दा यो जोडी एक छोरा मायुक छन् । 

Image may contain: 2 people, including Mandabi Tripathi, people smiling, people sitting, outdoor and nature

एकअर्काको साथीको रुपमा अघि बढिरहेको उनीहरुको विवाह प्रसंग चाखलाग्दो नै छ । विपिनको घरमा  बहिनीको विवाहको कुरा छिनोफानो भयो । बहिनीको विवाह हुँदा विपिनको विवाहको लागि कुरा उठ्यो र केटी छनौट गर्ने कुरा आयो । त्यसबखत माण्डबी र विपिनको बहिनीको सम्बन्ध नजिकको भईसकेको थियो । यहि कारण पनि विपिनको लागि माण्डबीको नाम आयो । विवाह अघि नै कामको शिलशिलामा माण्डबी विपिनको घरमा गईरहन्थिन् । विपिनको परिवारले त माण्डबीलाई पहिले नै मन पराईसकेको थियो । यहि कारण विपिनको लागि उनको परिवार माण्डबीको हात माग्न पुग्यो । पहिले देखि नै चिनजान र राम्रो मित्रता भएका कारण  माण्डबीले पनि विपिनसँग विवाह गर्ने निर्णय लिईन् । अहिले यो जोडीको दाम्पत्य जीवन निकै सुखी र खुशी छ ।
२०६७ सालको माघ २४ गते माण्डबी र विपिनले विवाह गरे । अघिल्लो वर्ष यहि दिनमा अन्य चार जोडीले पनि लगन गाँठो कसेका थिए । यस सामाग्रीमा हामी ती ४ जोडीको बारेमा पनि चर्चा गर्दैछौँ । 

Image may contain: 2 people, including Nissan Bajagain, people sitting
सुनिता गौतम र निशान बजगाईँ

टेलिसिरियल ‘मेरी बास्सै’मा माग्ने बुढाको श्रीमती मैयाँ भएर चर्चामा आएकी अभिनेत्री सुनिता गौतम र निर्माता निशान बजगाईँको आज १० औँ वैवाहिक वर्षगाँठ हो ।  २०६६ सालको माघ २४ गते वैवाहिक बन्धनमा बााधिएको यो जोडी  एक छोरी निशुनाको अभिभावक पनि बनिसकेको छ । ६६ सालमा विवाह गरेकी सुनिताले ६७ सालमै छोरी निशुनालाई जन्मदिएकी  थिईन् ।
निशान र सुनिताको प्रेम विवाह हो । 

झण्डै ६ वर्ष एकअर्काको प्रेममा रहेको यो जोडीले हरेक वैवाहिक वर्षगाँठलाई विशेष बनाउने गरेको छ । तर यस पटक भने निशानका बुवा बितेको वर्षदिन नपुगेका कारण केही पनि नगरिने उनीहरुले बताए । 
५९ सालमा एसएलसी दिएर कलाकार बन्न काठमाण्डौ आएकी सुनितालाई निशानले प्रेम प्रस्ताव नभई सिधै विहेको प्रस्ताव राखेका थिए । यी दुईको पहिले देखि नै चिनजान थियो । निशान सुनिताकी फूपुका देवर हुन् । तर पहिले देखि नै चिनेको भएपनि सुनिताले पहिलो प्रस्तावमै निशानलाई हुन्छ भन्न भने सकिनन् । किनभने त्यतिबेला विवाहको लागि उनको उमेर पुगेको थिएन । त्यसको  केही समय पछि उनीहरु ललितपुरको चिडियाखाना घुम्न गए । त्यहाँ निशानले फेरि पनि विहेकै प्रस्ताव राखे । यो पटक सुनिताको मन पनि पग्लियो । उनी निशानसँग विवाह गर्न राजी भईन् । सुनिताले विवाह गर्न तयार भएको ६ वर्षपछि उनीहरुको विवाह भएको हो ।

Image may contain: Niraj Nepal and Santoshi Nepal, people smiling, people standing

निरज नेपाल  र सन्तोषी नेपाल
कलाकार तथा निर्देशक निरज नेपालको पनि आज विवाह  भएको १० वर्ष पूरा भएको छ । १० वर्ष अघि पनौतीकी सन्तोषीसँग उनले मागी विवाह गरेका थिए । निरज र सन्तोषीका ८ वर्षका छोरा छन् शुभम नेपाल । निरज टेलिसिरियल ‘जिरे खुर्सानी’का निर्देशक समेत हुन् । उनले अर्को टेलिश्रृङखला ‘ब्रेक फेल’मा कलाकार र सह निर्देशकको रुपमा काम गरिसकेका छन् । त्यस्तै उनले पछिल्लो समय मुन्द्रको कमेडी क्लबमा काम गरिरहेका छन् ।  निरजकी श्रीमती सन्तोषी छोरा शुभमको हेरचाहका साथै ‘बेबी शप’ अर्थात पसल पनि हेरिरहेकी छिन् ।  

Image may contain: 3 people, including Suman Giri Bhanja, people smiling, people standing and outdoor

सुमन गिरी उर्फ भान्जा र  ईन्दु गिरी
निर्माता तथा प्रोडक्शन डिजाईनर सुमन गिरी उर्फ भान्जा को पनि आज १० औँ वैवाहिक वर्षगाँठ परेको छ । सुमनले २०६६ साल माघ २४ गते सुमनले धापासीकी ईन्दु गिरीसँग मागी विवाह गरेका हुन् । सुमन र ईन्दुका दुई छोरीहरु ८ वर्षिय  श्रीभा र ६ महिनाकी श्रीसु छन् । आमा सरस्वती मुभिजले बनाएका सबै सिनेमाहरुमा प्रोडक्शन डिजाईनरको रुपमा काम गरेका सुमन वडा नम्बर ६ देखि निर्माता पनि बनेका हुन् । 

Image may contain: 3 people, including Deependra Khaniya, people smiling, closeup

दीपेन्द्र खनिया र शिखा शर्मा
नेपालको एकमात्र हाँस्यव्यङग्य रेडियो रेडियो अडियोका कार्यकारी निर्देशक  दीपेन्द्र खनिया र  शिखा शर्माको आज दशौँ वैवाहिक वर्षगाँठ परेको छ । आजभन्दा १० वर्षअघि उनीहरुले लगनगाँठो कसेका थिए । यी दुईले ९ वर्ष लामो प्रेमपछि परिवारको सहमतिमा मागी विवाह गरेका  हुन् । यो जोडीको एक छोरी  ५ वर्षिय राज्ञी खनिया छिन् । 
खनियाँ नेपाली मनोरन्जन उद्योगलाई समृद्ध बनाउन लागि परेका छन । उनको अध्यक्षमा रेडियो अडियो, गफगाफ डट कम र फर्सी नेटवर्क यूट्युव च्यानल संचालनमा छन । 
उनले पछिल्लो समय चलचित्र निर्माणमा पनि हात हालेका छन । छक्का पञ्जा सीरीज र दाल भात तरकारीमा उनी निर्माताको रुपमा छन् । शिखा भने रेडियो अडियोमा पिआर डिरेक्टरको रुपमा कार्यरत छिन् । 

मनोरञ्जनसँग सम्बन्धीत समाचार , सुचना , जानकारी , फोटो , भिडियो वा अन्य प्रकाशन योग्य सामाग्रि र गतिविधी तपाईसँग छन् भने  9801081610 मा हामीलाई  भन्दिनुहोस् वा news.gufgaf@gmail.com मा पठाउनुस् । सँगै हिंड्दा दुवैलाई सजिलो । थप रमाईलोको लागि भिडियोको मज्जा लिनुहोस् ।


ताजा समाचार

’जानी नजानी’ को क्यारेक्टर पोस्टरमा यस्तो देखिए कलाकार

गफगाफ -  आउदो फिल्म चैत्र १ मा रिलिज हुने पुरा पढ्नुहोस

आयुष्काको ‘देशभित्र रहे नी’ सार्वजनिक

गफगाफ -  अष्ट्रेलिया बस्दै आएकी बाल गाय पुरा पढ्नुहोस

चलचित्र ‘सत्यम शिवम सुन्दरम’ निर्माण हुने

गफगाफ - चलचित्र ‘सत्यम शिवम सुन्दरम’ न पुरा पढ्नुहोस

सारा अली खानले छोडिन् आमाको घर

गफगाफ - चलचित्र ‘केदारनाथ’ बाट बलिउडम पुरा पढ्नुहोस

चलचित्र ‘मारुनी’ को शुभ मुहूर्त

गफगाफ -  निर्देशक नवल नेपालले निर्देशन पुरा पढ्नुहोस